当前位置: Sawcuengh > saehmoq

Ndaw Gyangjsizsoj Lajmbanj Fwen Haprwenz

2017年06月15日    来源:Gvangjsih Minzcuz Bauvangj    字号:[    ]     浏览次数:

农村讲习所里山歌嘹亮

  “Siz cungjsuhgi daeuj Guengjsae, haeujbae gihcwngz cam cingzgvang; gwnzlaj caezsim caez okrengz, ceng’aeu singz mbanj cungj vut gungz”……6 nyied 1 hauh, gij fwen gig miz yaem’wenq Bouxcuengh haenx, haprwenz youq ndaw gyangjsizsoj Gujliu Cunh Lungzsangh Cin Dwzbauj Yen. Sing fwen gyoengq canghfwen ndei dingq cingz naek yinx ndaej vunzmbanj mbanj henzgyawj daeuj dingq. Neix dwg aen sukingj aen yienh neix haiguh hagsib gvancez gij cingsaenz gangjvah youqgaenj Siz Ginbingz cungjsuhgi cazyawj Guengjsae he.

  Bineix ndwen 4, Siz Ginbingz cungjsuhgi cazyawj Guengjsae le, Dwzbauj Yen ciuq gij anbaiz baijbouh swcigih、si, gibseiz fat roengz le gij dunghcih gvendaengz haeujlaeg hagsib senhconz gvancez gij cingsaenz gangjvah youqgaenj Siz Ginbingz cungjsuhgi cazyawj Guengjsae, iugouz gak gaep dangjcujciz saeqsim anbaiz, doenggvaq lai cungj fuengsik, lai diuz roenloh, yungh gij hingzsik vunzlai haengj dingq gyaez yawj haenx, dawz gij cingsaenz gangjvah youqgaenj cungjsuhgi cazyawj Guengjsae riengjvaiq cienz daengz gyoengq ganbu vunzlai bae, hawj gij cingsaenz gangjvah youqgaenj cungjsuhgi haeujbae gihcwngz, haeujlaeg simvunz, ranzranz cungj rox.

  Gij hingzsik senhconz fwen gag bien gag cauh gag ciengq ndaej daengz vunzlai haengjgyaez. Aen yienh neix yaek laebdaeb youq daengx yienh 12 aen yanghcin 16 aen gyangjsizsoj guh doigvangq, bae daengz mbanj、 daengz gyang vunzlai cienzciengq, hawj gij cingsaenz gangjvah youqgaenj cungjsuhgi cazyawj Guengjsae haeujlaeg simvunz.(Cinz Siuvaiz Moz Cinmingz)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部