当前位置: Sawcuengh > saehmoq

Guengjsae Bineix Yaek Ciusou 147 Boux Siujyoz CuenghGun Song Vah Saw Dinghyiengq Son’gyauq Lauxsae

2017年06月26日    来源:Gvangjsih Minzcuz Bau    字号:[    ]     浏览次数:

广西今年计划招收147名小学壮汉双语定向培养教师

  Mboengqneix, daj Swcigih Ciuseng Gaujsiyen roxyiuj, gih raeuz bineix yaek dinghyiengq Binhyangz Yen daengj 25 aen yienh(si、gih) ciusou 147 boux gauhcungh haidaeuz 3 bi conhgoh cwngzsw siujyoz Cuengh Gun song vah saw lauxsae dinghyiengq son’gyauq swhfanswngh mbouj aeu cienz(baihlaj heuh “dinghyiengq song vah saw swhfanswngh”). Youz Guengjsae Swhfan Yozyen rapdawz son’gyauq yinvu.

  Ciuq cam rox, danhfanz dwg hagseng bujdungh gauhcungh bizyez camgya bi 2017 bujdungh gauhgauj、 diegyouq hagseng dwg aen yienh dinghyiengq ciuseng; rox gangj Vahcuengh(baugvat vah deihfueng Vahcuengh dangdieg); gauhgauj cingzcik daengz faensoq sienq gauj ndaej gauhciz gauhconh Guengjsae bi 2017 cungj ndaej bauqgauj. Gaujseng siengj aeu bauqgauj ndaej youq gauhciz gauhconh daezgonq loegaeu buekbaez lanz gagnyienh dienzbauq siujyoz gyauyuz(Cuengh Gun song vah saw fuengyiengq) ciennieb Guengjsae Swhfan Yozyen, vwnzgoh lijgoh cungj sou. Gauhciz gauhconh daezgonq loegaeu buekbaez gagnyienh dienzbauq sat le, youz Guengjsae Swhfan Yozyen cujciz gaujseng hab diuzgienh haenx guh dangnaj gaujsi. Dangnaj gaujsi sat le, Guengjsae Swhfan Yozyen yaek gyonjgyoeb gauhgauj cingzcik、 dangnaj gaujsi cingzcik, genj aeu boux gauj ndaej ndei.

  Dinghyiengq song vah saw swhfanswngh youq hagdangz hagsib geizgan cienzhag, cienzdozninz cungj mbouj aeu, caemhcaiq ciuq mizgven cwngcwz fat cienzgwndaenj bangbouj dem. Hagseng dinghyiengq bizyez le hab anbaiz guhhong diuzgienh youz yen gyauyuz、 yinzse daengj bumwnz fucwz anbaiz couhnieb, miz benhci miz gangjvei. Dinghyiengq song vah saw swhfanswngh haeujhag gaxgonq aeu ciemdingh《Mbawhezyi Dajveh Songyauq Dinghyiengq Siujyoz Cuengh Gun Song Saw Vah Lauxsae Guengjsae》, bizyez le dinghyiengq faenboiq daengz bonj yienh(si、gih) Cuengh Gun song vah saw siujyoz roxnaeuz diemj sonhag son siujyoz Cuengh Gun song vah saw 8 bi doxhwnj.(Lij Ginz)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部