当前位置: Sawcuengh > saehmoq

Guengjsae Gyalai Ligdoh Daezswng Hwngfat Lijyouzyez Dieg Minzcuz

2017年08月09日    来源:Gvangjsih Minzcuz Bau    字号:[    ]     浏览次数:

广西加大力度提升发展民族地区旅游业

  Bi 2017 byonghbi gonq, youq Swcigih Dangjveij、 Cwngfuj dengcingq lingjdauj lajde, Guengjsae saeqsim cujciz, yungh banhfap gaenxmaenx mizyauq haenx, mboujduenh guh ndei dieg minzcuz lijyouzyez hwngfat ginghfei douzhaeuj baujcang gihci. Bi 2017 anbaiz swcigih lijyouz hwngfat cienhangh ngaenzcienz 6 ik maenz, caeuq bigvaq doxlumj, ndawde: Boujdiep Gveilinz dieg lijyouz gozci lijyouz hanghmoeg 6720 fanh maenz、 Bwzbuvanh gozci lijyouz dieg gvaq ngoenzgyaj lijyouz hanghmoeg 6020 fanh maenz、 Bahmaj dieg lijyouz gozci gyaeunanz ciengxndang lijyouz hanghmoeg 10000 fanh maenz、 rangh lijyouz henzguek fungcingz 6710 fanh maenz、 aen yienh mizmingz lijyouz daegsaek Guengjsae lijyouz hanghmoeg hwnjguh boujdiep ngaenzcienz 16040 fanh maenz、 laebdaeb dajciengj daengx gih guekgya hajsinggaep lijyouz bouqhaeux、guekgya 4A gaep lijyouz gingjgih caeuq Guengjsae hajsinggaep caeuq seiqsinggaep dieg lijyouz lajmbanj roxnaeuz nungzgyahloz, gyavaiq hwnjguh sam aen dieg lijyouz gozci Guengjsae caeuq rangh lijyouz henzguek fungcingz, doidoengh le daengx gih saeknding lijyouz、 swnghdai lijyouz hwngfat gig hung.

  Doengzseiz, Guengjsae nyinhcaen gvancez doeksaed gij cijsi cingsaenz mizgven hwnjguh Yinznanz Guengjsae Gveicouh diegguhyiengh lijyouz haenx, gyavaiq doicaenh sam sengj gih fatok gijndei minzcuz vwnzva lijyouz swhyenz, dajcauh Cungguek Yinznanz Guengjsae Gveicouh vwnzva diegguhyiengh lijyouz, gaenxmaenx yenzgiu cauxguh diegguhyiengh lijyouz minzcuz vwnzva, yw conzdungj caeuq lijyouz cangqheiq, lijyouz bangfuz caeuq cinjcing vut gungz, hwnjguh rangh ginghci gauhdez lijyouz daengj fuengmienh neiyungz, caenh’itbouh doicaenh hong guekgya daengx dieg dieg- guhyiengh lijyouz caeuq hong song cauh song coi aen yienh mizmingz lijyouz daegsaek Guengjsae、 doicaenh hwnjguh Cungguek Yeznanz Dwzdenh——Banjyoz dieg doxgap lijyouz gozci, doicaenh cingbinj lijyouz gingjgih caeuq hwnjguh rangh lijyouz hop hawsingz, gyavaiq daezswng caeuq hwngfat lijyouzyez dieg minzcuz.

  (Swcigih Minzcunghveij Vangj)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部