当前位置: Sawcuengh > saehmoq

Sanglinz Yen:Song Vah Saemjbuenq Guh Ndaej Ndei

2017年08月09日    来源:Gvangjsih Minzcuz BAu    字号:[    ]     浏览次数:

上林县:法院双语审判出成效

Haidingz yienhciengz.

  Ndwen 7 ngoenz 17 hauh, Sanglinz Yen Fazyen haidingz saemjleix gienh saeh gyaudoeng doxceng ndeu. Bouxgauq dwg boux buzgeq ndeu, bouxdenggauq dwg bouxsai cungnienz ndeu. Cawjsaemj fazgvanh saemjleix aen anq neix yungh Vahgun、Vahcuengh, youq gwnz giekdaej caz cingcuj saehsaed haenx, ginggvaq naihsim diuzgaij, aen anq saeh gyaudoeng doxceng neix ndaej aeu diuzgaij fuengsik gietanq.

  Youq mwh ginggvaq saemjleix、 diuzgaij aen anq neix, Vahcuengh、Vahgun song cungj vah neix fatok cozyung gig hung, bouxgauq dingq mbouj rox Vahgun, cawjsaemj fazgvanh yungh Vahcuengh cug diuz dawz mizgven faplwd diuzvwnz gvidingh aen anq neix gejhoiz hawj bouxgauq dingq, youq najdoiq bouxdenggauq mbouj rox saw geijlai yawj mbouj rox baengzgawq haenx, cix yungh Vahcuengh、Vahgun doengzseiz hoiz okdaeuj, vanzlij naihsim aeu Vahcuengh gejhoiz,hawj bouxdenggauq caencingq roxyiuj gij neiyungz baengzgawq.

  “Hawj bouxgauq、bouxdenggauq caencingq dingq rox saemjbuenq, caencingq camgya saemjbuenq haenx, mbouj aenvih gangjvah mbouj doengz cix dawz bouxdangsaeh laengz youq baihrog fazdingz, mbouj ndaej hawj dingz saemj byaij gvaq ciengz ndwi.” Cawjsaemj fazgvanh naeuz. Yungh Vahgun、Vahcuengh diuzgaij, hawj conzdungj diuzgaij fuengsik miz rengzlix moq, yienh’ok gij suglienh saemjbuenq gi’gyauj caeuq saemj- buenq diuzgaij naengzlig fazgvanh aen yienh neix.

  (李 君 覃柳莹 韦姗婷)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部