当前位置: Sawcuengh > saehmoq

Vanzgyangh Haenqrengz Bangcoengh Daegsaek Canjnieb Bang Doi Cinjcing Bangfuz

2017年08月09日    来源:Gvangjsih Minzcuz Bau    字号:[    ]     浏览次数:

环江大力扶持特色产业助推精准扶贫

  Vih cienzmienh dwkhingz ciengz ciengq vut gungz gunggeng, Vanzgyangh Mauznanzcuz Swciyen Minzcunghgiz gaenjndaet hopheux gij moegbiu guhhong cinjcing bangfuz daengx yienh, maenhfwd gaemdawz deihfueng daegsaek, haenqrengz bangfuz gijndei nungzyez, coicaenh ginghci lajmbanj gungzhoj cienjhingz hwngfat. Bi 2016, leihyungh guekgya “gij ngaenzcienz bangfuz hwngfat minzcuz vunz haemq noix” hanghmoeg 40 fanh maenz, bangfuz Yananz Yangh laeb dangjan laeb mbawgaj ranzgungzhoj 37 ranz dajndaem makit, dajndaem mienhcik daengz 200 moux.

  Mauznanzcuz dwg minzcuz vunz haemq noix, Yananz Yangh dwg dieg comzyouq Mauznanzcuz. Aenvih diegyouq dwg dieg rin lai, bya lai reih noix, cauhguh diuzgienh rwix, doenghgij gomiuz sou ndaej noix, dwg gij yienzaen cujyau lajmbanj deng gungzhoj. Vih gaijbienq cungj cingzgvang neix, ginggvaq daengzdieg gaujcaz caeuq lai fueng lwnhcingq, nyinhnaeuz diegdeih caeuq dienheiq mbangj mbanj hab dajndaem mak- itbwn. Aenvih makitbwn ngaih guenjleix、 canjliengh sang、 yauqik ndei. Linghvaih, makitbwn maj baenz laeng gvaq makit wnq, mienx deng aenvih comz seiz baenz gai gyaqcienz doek daemq. Ndigah, dawz dajndaem makitbwn dangguh daegsaek canjnieb daeuj hwngfat, dwg diuz roen moq hawj bouxguhnaz diegbya vut gungz baenz miz.(Mungz Siyiz/蒙是宜)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部