当前位置: Sawcuengh > saehmoq

Yungzyen Riuzcienj Diegnamh Hawj Lajmbanj Lijyouz Bienq Hoengh

2017年09月27日    来源:Gvangjsih Minzcuz Bau    字号:[    ]     浏览次数:

容县土地流转舞活乡村游

  Geij bi neix daeuj, Yungzyen gujli bouxguhnaz riuzcienj gij gienz bauguh diegnamh, hwngfat lajmbanj swnghdai lijyouzyez. Aen yienh neix doenggvaq riuzcienj diegnamh hwngfat lajmbanj swnghdai lijyouz, cujyau miz sam cungj hingzsik:

  Cungj hingzsik coyungh gujfwnci. Aen yienh neix Aen Gingjgih Doenghnaz Byaraemx Duhgyauz dajveh bued cienz 1 ik maenz, seizneix gaenq bued cienz 2000 lai fanh maenz, co diegnamh 500 lai moux, faenbied hwnjguh le suenva seiqgeiq、suen mbaetsou、suen doenghgo、daemz dajcaemx daengj youqndwi guh’angq sezsih. Cawz binaengz moix moux ok cienzco 1350 maenz hawj bouxguhnaz, lij ciusou le 70 lai boux bouxguhnaz dangdieg daengz gingjgih guh hong.

  Cungj hingzsik gujfwn diegnamh doxgap, bi 2016 ndwen 8 doxdaeuj, Sunghsanh Cin Sinzyangz Cunh youq mwh hwngfat ndoengfaex lijyouz caeuq swnghdai lajmbanj hwnjguh, laebbaenz le aen ciennieb hozcozse bouxguhnaz gujfwn diegnamh, aeu ndoengbya diegnamh bouxguhnaz gyoebcomz daengz hozcozse, hozcozse caiq yungh ndoengbya diegnamh haeujguj、diegnamh dakguenj daengj fuengsik caeuq nungzyez giyez doxgap, haenqrengz hwngfat ndaw ndoeng ginghci caeuq ndoengfaex lijyouz. Daengz seizneix, aen ciennieb hoz- cozse neix miz veiyenz 80 hoh 750 boux, gyoebcomz naz 150 moux、diegfaex 850 moux, doenggvaq yinx- haeuj giyez doengzcaez haifat ndoeng- faex lijyouz caeuq hwngfat ndaw ndoeng ginghci.

  Cungj hingzsik coyungh duzswh. Sunghsanh Cin Dasuij Cunh dwg aen mbanjgungzhoj liz yienhsingz 12 goengleix he, diegyouq aen luegbya iq baihgwnz miz raemxdiuqdat he, vanz- ging gyaeundei. Bi’gvaq, aen cunh neix yinxhaeuj 3800 fanh maenz roengzbonj, co diegnamh、ndoengbya 700 moux, hwnjguh dieglijyouz lajmbanj aendauj ronghndwen. Aen gingjgih neix ngamq hwnjguh yinyingz geiz daih’it, couh gaenq sou 50 lai boux vunzmbanj bae guh hong, daiq- doengh 49 hoh ranzgungzhoj gungh 250 boux vut gungz.

  (Cinz Cungzgvangj)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部