当前位置: Sawcuengh > saehmoq

Gveilinz: “Gyong” Doengh Ngaizhoengh Vwnzyi “Foux” Ok Minzcuz Doxgiet

2017年09月27日    来源:Gvangjsih Minzcuz Bau    字号:[    ]     浏览次数:

桂林:“鼓”动文艺盛宴 “舞”出民族团结

  Ndwen 9 ngoenz 21, Gveilinz Si Siengsanh Gih singgo haprwenz、diuqfoux mbimnyag, vunzlai gak minzcuz doxcomz giz ndeu, ciengz ngaizhoengh vwnzyi swnjcienz caeuq fatyiengz vwnzva heiq deihfueng Gveilinz he youq aen daizheiq hung Vanfuz Sanghyez Gvangjcangz Gveilinz Si yienj.

  《Foux Gyong Hung》 yungh “gyong” guh haedsim haenx, doenggvaq vwnzva gyong langhbaij gij vwnzmingz haj cien bi Cunghvaz daj ciuhgeq daengz daihneix haenx, hawj vunz yawj ndaej gig yiengjsouh, foux gyong heiqseiq naekgywg hainduj le baez yienjok neix. Diuqfoux “langhcingz Mbanjyiz” daegsaek minzcuz naekna yienh’ok le dahsau Yizcuz ak ciengq ak diuq caeuq gyoengq lwgmbauq youq ngoenzciet angqyangz diuq gij foux vuenheij nauhyied haenx, danqhaenh gij ndwenngoenz gyaeundei vuenyungz. Gyoengq bouxyienj lij yienj doenghgij cezmuz gyongdwkbya 《Angqcoux Cibgouj Daih》、caijdiu 《Daxbuz Sou Gaeq》 daengj diuqfoux saeqsim bienbaiz haenx, cezmuz lai cungj lai yiengh langhbaij le gij cingsaenz yienghsiengq gaenxmaenx doxhwnj、doxgiet cinbu vunzlai gak minzcuz, ndaej daengz bouxyawj yienhciengz haenhndei.

  Ciuq cam rox, Siengsanh Gih Minzcunghgiz yaek youq mwh hong cauxlaeb minzcuz doxgiet cinbu bi 2017, daengx bi banh “heiq haeuj hagdangz” “doidoengh swnjcienz vwnzva ginghdenj minzcuz” daengj cawjdaez hozdung, hawj gak minzcuz laebhwnj gij heiqfaenh dox roxyiuj、dox aeueiq、 dox hag、dox bang.

  (Dauz Vwnzsuh/陶文姝Dangz Ciuhbingz/唐秋萍)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部