当前位置: Sawcuengh > saehmoq

Vanzgyangh Song Aen Banhfap Bang Doi Hong Cauxlaeb Minzcuz Doxgiet Cinbu

2017年09月27日    来源:Gvangjsih Minzcuz Bau    字号:[    ]     浏览次数:

环江两措施助推民族团结进步创建工作

  Vih gyaak doidoengh mbanj minzcuz hwngfat, roengzrengz gaijndei gij gwndaenj dieg minzcuz, coicaenh minzcuz doxhuz caeuq ndawbiengz huzndei, mboujduenh gyavaiq yamqdin daengx yienh cienzmienh guhbaenz biengz siujgangh, Vanzgyangh yungh song aen banhfap hung doicaenh hong cauxlaeb minzcuz doxgiet.

  It dwg netsaed haiguh gij hozdung senhconz gyauyuz minzcuz doxgiet cinbu. Aen yienh neix nyinhcaen senhconz gvancez gij cingsaenz aenhoih hong minzcuz Cunghyangh caeuq aenhoih byaujcangh minzcuz doxgiet cinbu daengx guek daih roek baez Gozvuyen. Gyaak senhconz fapgvi minzcuz cwngcwz, netsaed haiguh gij hozdung senhconz minzcuz doxgiet cinbu. Youq ndwencieng, yawjnaek yungh gij hingzsik saenqsik fat gij goujhau senhconz cauxlaeb minzcuz doxgiet cinbu, hawj vunzvunz cungj sugrox gij cwngcwz minzcuz doxgiet cinbu, lij giethab minzcuz angqhoh ngoenzciet haiguh aen hozdung “ndwen senhconz minzcuz doxgiet cinbu”, moix bi ndwen 3 ngoenz 20 daengz ndwen 4 ngoenz 20 youq daengx aen yienh haiguh aen hozdung “ndwen senhconz minzcuz doxgiet cinbu” aeu “Vanzgyangh huzndei·doxgiet cinbu” guh cawjdaez. Caeuq gak aen yanghcin、gak aen danhvei ndaw yienh guenj haenx doxcaez venj fuk baengzhoengz senhconz minzcuz doxgiet、nem byauhyij senhconz minzcuz doxgiet, caemhcaiq aeu gij fuengsik eu fwen minzcuz、biujyienj vwnzyi、doxdax yienjgangj、langhbaij banjbau senhconz daengj vunzlai maij dingq maij yawj haenx bae senhconz lijlun minzcuz、cwngcwz minzcuz、faplwd fapgvi minzcuz. Sonyinx ndawbiengz gak gyaiq gvangqlangh camgya, cauh’ok gij heiqfaenh naekna daengxcungq beksingq doengzcaez doicaenh gij saehnieb minzcuz doxgiet cinbu.

  Ngeih dwg haenqrengz senhconz gij cingzcik saehnieb minzcuz doxgiet cinbu. Aen yienh neix gaemdawz seizheiq angqhoh laeb yienh 30 hopbi, cungfaen fatok gij cozyung donzdij ndawbiengz coicaenh minzcuz doxgiet cinbu, fatdoengh gij rengz gak fuengmienh, yungh lai cungj hingzsik, haeujlaeg haiguh gij hozdung cauxlaeb minzcuz doxgiet cinbu. Gaenxmaenx doicaenh hong minzcuz haeuj gihgvanh、haeuj hagdangz、haeuj giyez、haeuj segih. Roengzrengz dajcauh aen mbanj guhyiengh、danhvei guhyiengh、segih huzndei, aeu diemj daiq mienh、guhyiengh daiqdoengh, mboujduenh daezswng gij suijbingz gveihfanva、 ciduva hong cauxlaeb.

  (Danz Su’myauz/谭素苗)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部