当前位置: Sawcuengh > saehmoq

Liujcouh Si Yungh Lai Cungj Banhfap Cuknet Minzcuz Doxgiet Cinbu Cauxlaeb Haeuj Hagdangz Hozdung

2017年10月19日    来源:广西民族报    字号:[    ]     浏览次数:

柳州市多举措夯实民族团结进步创建进学校活动

  Liujcouh Si gak loh hagdangz ciuq gij saedsaeh bonjfaenh, gaenx- maenx haiguh minzcuz doxgiet cinbu cauxlaeb haeuj hagdangz hozdung, roengzrengz cauh ok gij fungheiq moq ndawhag hagseng gak minzcuz daengx si huzndei caemhyouq、doxgiet roengzrengz baenaj.

  It dwg genhciz hingzsik cauh- moq, gyaak cauxlaeb hozdung yaugoj. Doenggvaq guh bauq fwngzcau、hwzbanjbau minzcuz vwnzva、dajcauh luengqhongh raez vwnzva cawjdaez minzcuz doxgiet cinbu gyauyuz daengj, cauh ok gij heiqfaenh naekna minzcuz doxgiet. Doenggvaq cujciz daet ceij minzcuz lai cungj lai yiengh、hagseng gak minzcuz fwngz yien fwngz doxgyau cingzngeih daengj cawjdaez hozdung, aeu minzcuz doxgiet cinbu gyauyuz yungzhaeuj gak hangh vwnzdij hozdung bae.

  Ngeih dwg genhciz senhgyangj yinxlingx, daezsang cauxlaeb hozdung caetliengh. Doiq hagdangz mbouj doengz doiqsiengq, gaenxmaenx fatok senhconz gyauyuz cozyung, dawz minzcuz lijlun dangj caeuq guekgya、minzcuz faplwd fapgvi caeuq gij youqgaenjsingq minzcuz doxgiet, yungzhaeuj son’gyauq hagseng swh- siengj cwngci bae. Cungfaen leihyungh bauqceij ganhvuz ndawhag、gvangjbo ndawhag、muengx ndawhag daengj senhconz meizgai, gya’gvangq roen senhconz、 gyalai senhconz hingzsik、 gya’gvangq senhconz yaugoj.

  Sam dwg genhciz saedguh giethab, fungfouq cauxlaeb hozdung neihanz. Cujciz gij ndawbiengz saedguh hozdung hingzsik lai yiengh haenx, yungh gyajseizhwngq gyajseiznit, bae lajmbanj, haiguh yawjngonz caeuq daejniemh hozdung, sonyinx gyoengq hagseng gyaez hagdangz hoh hagdangz, son’gyauq gyoengq hagseng gyaez guekgya、gyaez mbanjranz, gagrox henhoh gij gizmen ndei minzcuz doxgiet.

  Seiq dwg mingzdingh cauxlaeb iugouz. Netsaed gaem ndei minzcuz doxgiet gyauyuz haeuj dangzgoq、haeuj sawsonhag、haeuj ukgyaeuj; cujciz ndei sonhag hozdung、 cujciz ndei hozdung seiz rogdangz、fatok gij cozyung ndawbiengz gyauyuz caeuq gyaranz gyauyuz; doiqciuq cauxlaeb hozdung cwzbingz cijbyauh, cug hangh doeksaed, bouj caez gij nyieg, gaenxmaenx cauh ok gij heiqfaenh ndei cauxlaeb hozdung haenx.

  (Couh Liujgen/邹柳健)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部