当前位置: Sawcuengh > saehmoq

Swcigih Vwnzva Leih Beksingq Hanghmoeg Soengq Heiq Roengz Mbanj Daengz Binhyangz

2017年11月02日    来源:广西民族报网    字号:[    ]     浏览次数:

自治区文化惠民项目送戏下乡到宾阳

  Mboengqneix, vih ciengqyiengj aen siengjmuengh Cungguek Guengj- sae, fungfouq gij vwnzva saedceij gyoengq vunzlai, swcigih vwnzva leih beksingq hanghmoeg soengq heiq roengz mbanj daengz Binhyangz Yen Swhlungj Cin Luzgauh Cunh, youq aen cunh neix banh ciengz vwnzyi comzyienj hozdung ndei yawj he, vih vunzlai soengq daeuj donq ngaiz vwnzyi fungfouq he.

  Comzyienj seiz, bouxyienj aeu gij cezmuz bonjfaenh saeqsim caepcawq haenx youq gwnz daiz langhbaij okdaeuj. Cezmuz cujyau biujyienj bajheiq, miz diuq fouxyienghbing、dapsaih、caij maxfaex daengj, langh- baij ok gij dinfwngz ak Swcigih Cazgidonz, foux ok le mwh hauxseng, diuq ok le rengzhoengh. Yienhciengz bouxyawj yiedcingz dangqmaz, vunzlai cungfaen roxnyinh le gij yinxdaeuz bajheiq, biujyienj ndei yawj ndaej daengz yienhciengz bouxyawj bek- fwngz haenh.

  Baez hozdung neix, caenh’itbouh fungfouq gij vwnzva saedceij vunzlai, vunzlai doengzseiz hix ndaej daengz baez gyaez guek cujyi gyauyuz laegdaeuq he, gikfat gij yiedcingz caezgya caemh hwnjguh sevei cujyi, ndaej daengz gyoengq vunzlai lajmbanj angqcoux.(Loz Linzcaiz/罗林才)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部