当前位置: Sawcuengh > saehmoq

Aen Canjlanj Gij Cingzcik Hong Doihengz Sawcuengh Geiqniemh 《Fueng’anq Sawcuengh》 Fatbouh 60 Hopbi Youq Namzningz Banh

2017年11月30日    来源:广西民族报网    字号:[    ]

纪念《壮文方案》颁布60周年壮文推行工作成就展在邕举行

  Bonjbauq siusik(gicej Cau Dwzfeih) Ndwen 11 ngoenz 24, aen canjlanj gij hong doihengz Sawcuengh geiqniemh Gozvuyen fatbouh 《Fueng’anq Sawcuengh》 60 hopbi youz Swcigih Gyauyuzdingh、Swcigih Minzyijveij、Namzningz Si Yinzminz Cwngfuj cawjbanh haenx youq Guengjsae Duzsuhgvanj haimuq.

  Baez canjlanj neix muzdiz dwg doeksaed gij cwngcwz saw vah minzcuz dangj caeuq guekgya raeuz, senhconz gvancez gij cingsaenz Cibgouj Daih, gyoebcomz langhbaij gij cingzcik hong Sawcuengh 60 bi daeuj youq gij cwngcwz gagguenj gizdieg minzcuz dangj raeuz ciuqrongh lajde aeundaej haenx, langhbaij gij gojgaeq Guengjsae gamjdoengh vunz ndeiyawj haenx, hawj gyoengq vunzlai gyalai roxyiuj saw vah minzcuz, coicaenh gak minzcuz dox hag saw vah, coicaenh gak minzcuz dox baedauq doxgyau doxyungz, gungganq caeuq cauhlaeb gij yisiz Cunghvaz minzcuz gungdungzdij, cauhlaeb aen gyaranz cing- saenz caemh miz Cunghvaz minzcuz.

  Haimuqsik le, gyoengq boux lingjdauj caeuq bouxhek yawjngonz le canjlanj, Guengjsae Densidaiz bouxcujciz cezmuz Vangz Lili yienhciengz guh gangjgej.

  Gyoengq boux lingjdauj lauxhangz caeuq gak gyaiq vunz cungj naeuz, youq mwh Gozvuyen fatbouh 《Fueng’anq Sawcuengh》 ndaej 60 hopbi neix, banh baez canjlanj neix gig youqgaenj caeuq miz yiyi, ndaej cienzmienh dauqyawj caeuq cingjleix gij cingzcik doenghbaez caeuq lizsij gingniemh, doiq coglaeng haiguh hong doihengz Sawcuengh miz gij cijdauj youqgaenj caeuq gij yiyi ndaej ciuqhag, hix yaek doiq gih raeuz caenh’itbouh cauhlaeb gij saedceij vahgangj lai cungj vah huzndei, gyagiengz minzcuz doxgiet, coicaenh dieg Bouxcuengh ginghci ndawbiengz cienzmienh cinbu, miz gaenxmaenx cozyung.

  Ciuq cam rox, baez canjlanj neix yaek laebdaeb baij daengz ndwen 12 ngoenz 6. Gyoengq siminz ndaej bae Guengjsae Duzsuhgvanj yawj, haeujgyawj roxnyinh gij hwngfat ginglig 60 bi daeuj hong Vahcuengh Sawcuengh Guengjsae mbouj bingzciengz haenx, doenggvaq doenghgij doxgaiq gaeuq mbawsiengq gaeuq neix rox gij saeh Sawcuengh hwngfat 60 bi neix.

作者:Cau Dwzfeih

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部