当前位置: Sawcuengh > saehmoq

Heiqfoux Bouxcuengh 《Buhbwnroeg》 Youq Aen Cungsim Yisuz Vwnzva Guengjsae Yienj

2018年01月10日    来源:广西民族报网    字号:[    ]

大型壮族舞剧《百鸟衣》在广西文化艺术中心上演

  Ndwen 1 ngoenz 4 banhaemh, heiqfoux Bouxcuengh 《Buhbwnroeg》 youq aen ranzheiq Aen Cungsim Yisuz Vwnzva Guengjsae yienjok, hainduj le Aen Cungsim Yisuz Vwnzva Guengjsae yienj heiq baez nduj. Neix hix dwg Aen Cungsim Yisuz Vwnzva Guengjsae yienj bouh heiq cinghbinj bonj dieg cauhnduj.

  Bouh heiq neix dwg heiq cinghbinj cauhnduj Namzningz Si cungdenj dajcauh haenx, lwnh gangj le gij gojgaeq bouxcoz Bouxcuengh Gujgaj、Yihlij comz gij rengz bak duz roeg, yungh vutmingh bonjfaenh hoenx hingz Duzlungz guh yak guh rwix haenx, hoizfuk bya heu raemx saw, dawz gij gyaepgouz gyaciz Bouxcuengh ndeindiq youq gwnz daizheiq yienj okdaeuj. Doengzseiz, eu fwen lauxsaed ndeidingq、buhvaq gyaeundei caeuq biujyienj diuqfoux ndeiyawj, yienj ciengz heiq ndeiyawj he hawj bouxyawj yawj. Bouh heiq neix ndaej aen hanghmoeg ngaenzgoek yisuz guekgya bangcienz gvaq, ndaej gaiq daihgouj Guengjsae langhbaij heiq heiqmoeg va’gveiq ngaenzciengj.

  Ciuq cam rox, Aen Cungsim Yisuz Vwnzva Guengjsae dwg aen gunghcwngz youqgaenj swcigih laebbaenz 60 hopbi, dangguh aen cungsim yisuz vwnzva Guengjsae goengnaengz ceiq caezcienz, doiq daezsang vunzlai vwnzva yisuz suyangj, doidoengh Guengjsae Namzningz vwnzva saehnieb caeuq vwnzva canjnieb hwngfat, gyalai Cungguek caeuq guekgya Dungh- mungz vwnzva doxgyau miz gij yiyi youqgaenj.(Dwng Lingz)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部