当前位置: Sawcuengh > saehmoq

Hong Hoizguh Bouh Daeuz Denyingj Vahmulauj Cingq Miz Bouhloh Haiguh

2018年02月12日    来源:广西民族报网    字号:[    ]

首部仫佬语电影译制工作正有序进行

  Mboengqneix, hong hoizguh bouh daeuz denyingj Vahmulauj Lozcwngz youz Lozcwngz Mulaujcuz Swciyen Minzyijgiz、Vwnz Gvangj Sinh Dij Giz cujciz haenx, youq Aen Cungsim Hoizguh Denyingj Vah Minzcuz Vunznoix Guengjsae Denyingj Cizdonz cingq miz bouhloh haiguh. Seizneix gaenq guhsat 80% baedauq.

  Baez hoizguh denyingj neix dwg hoizguh denyingj 《Yaengx Fwngz Hwnjdaeuj》 youz boux mingzsingh mizmingz Banh Cangzgyangh、Goz Daz daengj yienj haenx. Hoizguh geizgan, bouxguhhong hoizguh Vahmulauj gak boux guh ndei hong bonjfaenh, ciuq gij saenzcingz、dungcoz、sim naemj vunz ndaw denyingj yungh mbouj doengz singdiuh、fatok mbouj doengz gamjcingz. Riengz heiqcingz hwngfat miz cingzgamj fanhoiz gij daizswz vunz ndaw denyingj, lumj bonjfaenh youq ndaw heiq nei.

  Ciuq cam rox, bouh denyingj Vahmulauj neix hoizguh sat caemhcaiq soengq saemjcaz doenggvaq le, yaek youq Lozcwngz Gvangjbo Densidaiz、 Lozcwngz Denyingjyen、gak hagdangz、mbanj diegcomzyouq Mulaujcuz cunzdauq cuengqingj. Doenggvaq hoizguh denyingj Vahmulauj, yaek caenh’itbouh hoengh- vuengh hwngfat gij saehnieb vwnzva minzcuz vunznoix, coicaenh hwnjguh vwnzva minzcuz vunznoix caeuq hwnjguh ndawbiengz ginghci dieg minzcuz dox boiqhab hwngfat, gyamaenh gij gizmen ndei minzcuz doxgiet.

  (Yangz Swhniz Vuz Cunghsu)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部