当前位置: Sawcuengh > saehmoq

Yizcouh: Doicaenh Hong Ndawbiengz Yungh Sawcuengh

2018年02月13日    来源:广西民族报网    字号:[    ]

宜州:推进壮文社会应用工作

  Bi 2017, Hozciz Si Yizcouh Gih doenggvaq haiguh aen hozdung baenzdauq geiqniemh Gozvuyen baecinj 《Fueng’anq Sawcuengh》 60 hopbi, gyagiengz ligdoh senhconz gij cwngcwz saw vah minzcuz dangj caeuq guekgya, giengzvaq le ndawbiengz yungh Sawcuengh, ndaej daengz vunzbiengz haenh.

  It dwg yungh siu si gaij gih guh seizndei, fatok ciznwngz cozyung, cienzmienh doeksaed fapdingh danhvei goengcieng、gepbaiz yungh Cuengh Gun song cungj saw, caemhcaiq vih dangjcwng gihgvanh caeuq ndaw- biengz gak hangz daezhawj fanhoiz fugsaeh mbouj aeu cienz. Daengz bi 2017 ndwen 12 daej, youq Hozciz Si Minzyijveij haenqrengz haeujcoengh lajde, gungh vih fapdingh danhvei caeuq ndawbiengz gak hangz daezhawj fanhoiz Sawcuengh aenyaenq、gepbaiz 4000 lai diuz.

  Ngeih dwg yungh haiguh geiqniemh Gozvuyen baecinj 《Fueng’anq Sawcuengh》 60 hopbi guh seizndei gibseiz comz rengz, youq singzgih、gihgvanh、yanghcin、hagdangz、lajmbanj haiguh aen hozdung baenzdauq geiqniemh Gozvuyen baecinj 《Fueng’anq Sawcuengh》 60 hopbi. Guh fuk hwngzfuz senhconz miz Cuengh Gun song cungj saw 15 fuk, venj youq singzgih、gihgvanh、yanghcin、hagdangz; guh fuk hwngzfuz senhconz iq miz Cuengh Gun song cungj saw 20 fuk, venj youq gwnz aen dennauj guhhong mbangj gihgvanh danhvei; daengz hagdangz、lajmbanj haiguh geiqniemh Gozvuyen baecinj《Fueng’anq Sawcuengh》 60 hopbi denyingj cuengqingj hozdung, gungh cuengqingj 10 ciengz, bouxyawj 3000 lai boux.

  Doenggvaq haiguh aen hozdung baenzdauq geiqniemh Gozvuyen baecinj 《Fueng’anq Sawcuengh》 60 hopbi, Hozciz Si Yizcouh Gih giengzvaq ligdoh senhconz gij cwngcwz saw vah minzcuz dangj caeuq guekgya, coicaenh le daengx gih ndawbiengz yungh Sawcuengh.

  (Vangz Ging)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部