当前位置: Sawcuengh > saehmoq

Cingsih Si Heiqcuengh 《Gij Gyaez Daxmeh》 Ndaej Ciengjaennyenz Vwnzyi Cauhsij Guengjsae

2018年03月12日    来源:广西民族报网    字号:[    ]

靖西市壮剧《母爱》荣获广西文艺创作铜鼓奖

  Mboengqneix, gij cozbinj ndaej ciengj ciengjaennyenz vwnzyi cauhsij Guengjsae gaiq daihbet goengbouh, Cingsih heiq gvangjbo Heiqcuengh 《Gij Gyaez Daxmeh》 gwnz buengj miz mingz.

  Cingsih heiq gvangjbo Heiqcuengh 《Gij Gyaez Daxmeh》 youz Guengjsae Yinzminz Gvangjbo Den- daiz caeuq Cingsih Gvangjbo Densidaiz lienzhab loegguh、Aen Duenz Yisuz Minzsuz Seizhoengq Cuenghbuek Cingsih Si yienjboq, bouh heiq neix youq bi 2017 ndwen 3 ngoenz 29 daengz ngoenz 30 youq Guengjsae Yinzminz Gvangjbo Dendaiz cunghab gvangjbo caeuq Cingsih Si Gvangjbo Densidaiz doengzbouh boq ok le, gyoengq vunzlai aen si neix nem Dwzbauj、Nazboh、Denhdwngj daengj dieg henzguek gig haenhndei, lij ndaej daengz lingjdauj Swcigih Dangjveij Senhconzbu haenh dem, nyinhnaeuz bouh heiq neix loegguh ndaej ndei, ndeidingq hawj vunz gamjdoengh dwg bouh cingbinj Heiqcuengh noix raen he.

  Heiqcuengh《Gij Gyaez Daxmeh》 biujyienh ok daxmeh yungh sim caeuq lwed cienz vwnzmingz, dawz gij gyaez daxmeh gyaranz swng daengz gij cingsaenz gauhsang gyaez ndawbiengz, yienh’ok gij yinxdaeuz daezcaiz minzcuz doengzseiz hix yienh’ok sevei cujyi hwzsinh gyacizgvanh. Daengx bouh heiq gvangjbo Heiqcuengh 《Gij Gyaez Daxmeh》 yungh Vahcuengh yienjboq, yungh feihvuzciz vwnzva yizcanj “Heiqcuengh baihnamz” “diuh moedlaenz” “betyaem Cingsih” daengj hingzsik biujyienh, doed ok gij daegsaek minzcuz.

  (Hoz Byauh)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部