当前位置: Sawcuengh > saehmoq

Binhyangz Yen Vunzlai Gak Cuz Angqgvaq Cietlungzbauq

2018年03月12日    来源:广西民族报网    字号:[    ]

宾阳县各族群众欢度炮龙节

  Ndwen 2 ngoenz 26, cietlungzbauq Binhyangz bi gvaq baez haenx youq yienhsingz lungzbauq vwnzva gvangjcangz hainduj, geijcib fanh beksingq caeuq bouxhek youq ndaw sing bauqrengh caq lungzbauq gouzfuk, roxnyinh gij vwnzva lungzbauq Binhyangz naekgywg.

  Ciuq cam rox, cietlungzbauq Binhyangz ndaej haenh baenz “cietguengzangq baihdoeng”, dwg ngoenzciet conzdungj gig miz minzcuz daegsaek Binhyangz he, ngoenzciet neix gig nauhyied、youqgaenj、daengx guek noix miz, daengz seizneix gaenq miz 1000 lai bi lizsij. Daj bi 2007 gaiq daeuz cietlungzbauq Binhyangz bak duz lungz foux Binhcouh hozdung banh baenz doxdaeuj, hozdung banh ndaej bi ndei gvaq bi, rengzyingjyangj cugyamq gya’gvangq, yinx ndaej haujlai bouxhek ndaw guek rog guek daeuj camgya. Bi 2008, cietlungzbauq Binhyangz ndaej senjhaeuj buek daihngeih guekgya gaep feihvuzciz vwnzva yizcanj mingzloeg, caemhcaiq ndaej bingzbaenz “ngoenzciet feihvuzciz vwnzva yizcanj ceiq ndei Cungguek”, dwg ngoenzciet ndawbiengz minzcuz gyonjgyoeb gij vwnzva Bouxgun、Bouxcuengh ranghdieg Binhyangz Yen dox yungzhab gap baenz, baugvat youz caijgya、daenghoih、foux lungzbauq daengj hozdung.

  Ciuq cam rox, vih gvancez doeksaed gij cingsaenz Cibgouj Daih dangj, mboujduenh doicaenh Binhyangz Yen vwnzva hoenghvuengh hwngfat, cungfaen langhbaij gij vwnzva minzsuz ndawbiengz maenhndei Binhyangz, langhbaij gij cingsaenz buekguh、mbeilaux、roengzrengz baenaj、soujsaenq beksingq Binhyangz, caenh’itbouh daezswng gij binjbaiz vwnzva lungzbauq Binhyangz, dawz cietlungzbauq Binhyangz bak duz lungz foux Binhcouh hozdung banh baenz gij hoihhoengh huzndei vunzlai gak cuz daengx yienh caeuq bouxhek gak dieg caez angqhoh caez angqgvaq haenx.(Yangz Beifangh)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部