当前位置: Sawcuengh > saehmoq

Dunghlanz Yen Gaenxmaenx Doidoengh Hong Hoizguh Banj Vahcuengh Denyingj 《Ak Lo, Aen Guek Raeuz》

2018年04月13日    来源:广西民族报网    字号:[    ]

东兰县积极推动电影《厉害了,我的国》壮语版译制工作

  Vih han’wngq gij iuheuh Cunghsenhbu、Guekgya Minzveij、Denyingjgiz daengj bouhmonz gvendaengz hong hoizguh vah minzcuz vunznoix 《Ak Lo, Aen Guek Raeuz》, ndwen 4 ngoenz 2, Dunghlanz Yen Minzyijgiz guh gvendaengz baijbouh caeuq anbaiz gij hong hoiz boiq denyingj, iugouz cienfanh guh daengz “seiq aen baujmaenh”, couhdwg baujmaenh fanhoiz neiyungz cinjdeng, baujmaenh fanhoiz coenz vah doengswnh, baujmaenh fanhoiz aenbak doengh、vehmienh caeuq ndaw denyingj doxdoiq, baujmaenh aeu fanhoiz caezcienz, doengzseiz dawzrem cwngcigvanh caeuq gvan caetliengh.

  Ciuq cam rox, Dunghlanz Yen dwg gih raeuz seizneix baujlouz 8 aen yienh gaep diemj hoiz boiq denyingj vah minzcuz ndawde aen ndeu, denyingj 《Dangzsanh Dadicin》 (banj Vahcuengh) Dunghlanz Yen Funghranz Hoizguh Boiqyaem Vahcuengh hoiz boiq haenx ndaej denyingj vah minzcuz vunznoix daengx guek maenhndei gaiq daeuz bi 2013 ciengj bingzndei、ciengj cunghab gisuz, caemhcaiq bi 2014 byaibi aeu denyingj geiqloegbenq 《Doenghyiengh Dunghlanz》 hoizguh baenz banj Vahcuengh vahdeihfueng cingqsik fathengz, baenz le Guengjsae bouh daeuz vah minzcuz vunznoix loegguh baenz deihfuengceiq geiqloegbenq, vih hoizguh vah minzcuz vunznoix 《Ak Lo, Aen Guek Raeuz》 dwk roengz giekdaej maenhndei.

  Denyingj 《Ak Lo, Aen Guek Raeuz》 yungh gij hingzsik geiqloegbenq, daj guh ndei aen siengjmuengh gunghcwngz、cauhmoq doidoengh、boiqhab hwngfat、saekloeg Cungguek、caezyiengj siujgangh、hailangh Cungguek daengj geij aen fuengmienh, langhbaij le Cibbet Daih dangj doxdaeuj, gij cingzcik gaijgwz hailangh caeuq sevei cujyi yendaiva gensez Cungguek aeundaej haenx. Doenggvaq hoiz boiq caeuq cuengqingj denyingj 《Ak Lo, Aen Guek Raeuz》, gyalaeg beksingq dangdieg lai roxnyinh gvisug guekgya caeuq roxnyinh minzcuz miznaj, caenh’itbouh coicaenh dieg minzcuz vunznoix huzndei onjdingh hwngfat.(Hanz Cez/韩 捷)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部