当前位置: Sawcuengh > saehmoq

Cungzcoj Doidoengh Gij Vwnzva “Sam Nyied Sam” Bouxcuengh Byaijhaeuj Dunghmungz

2018年04月13日    来源:广西民族报网    字号:[    ]

崇左推动壮族“三月三”文化走进东盟

  Ngoenzciet“sam nyied sam” Bouxcuengh yaek daengz. Riengzdwk bi’gvaq doidoengh gij vwnzva “sam nyied sam” Bouxcuengh byaijhaeuj Daigoz le, bineix Cungzcoj Si Gyanghcouh Gih youh lienzhab Yeznanz mizgven bouhmonz, yaek dawz gij vwnzva “sam nyied sam” daiq daengz Yeznanz. Daengzseiz, fwen、danzciengq dingzdingj Bouxcuengh daengj conzdungj gofoux ndawbiengz yaek byaij hwnj aen daizheiq ndawbiengz doxgyau Cungguek Yeznanz.

  Geij bi neix daeuj, Cungguek caeuq Dunghmungz doxgyau vwnzva ngoenz lai gvaq ngoenz, gij gvaengxlaengx baugvat haenx engqgya gvangqlangh. Cungguek Yeznanz doxgyau vwnzva dwg aen bouhfaenh gapbaenz youqgaenj ndawde. Yeznanz Vwnzva Dijyuz Lijyouz Bu Gozci Hozcoz Giz Yadaicu cucangj Ouh Yezhingh 20 bi gaxgonq daengz Cungguek louzhag gvaq. “20 bi gaxgonq beksingq Yeznanz caengz roxyiuj Guengjsae geijlai, hoeng riengzdwk geij bi neix daeuj song mbiengj doxgyau gyalai, haujlai vunz gaenq rox mbangj vwnzva Guengjsae.” Ouh Yezhingh naeuz, Cungguek Yeznanz song guek ndaw- biengz doxgyau ngoenz lai gvaq ngoenz, ndaej bang doi song mbiengj ginghmou doxgap hwngfat, coicaenh song guek vwnzva、ginghci doengzcaez hoenghvuengh.

  “Sam nyied sam” dwg ngoenzciet hungnaek Bouxcuengh ndawde aen ndeu, dwg cujyau biujyienh conzdungj vwnzva Loegvet, gyonj heuhguh hawfwen “sam nyied sam”. Gyoengq- vunz bae hawfwen doxdax eu fwen、dingq fwen; sau mbauq doenggvaq doiq fwen, danghnaeuz song mbiengj dox hab’eiq, couh dox soengq doxgaiq, yungh daeuj dinghcingz. Linghvaih, lijmiz bau aendomq、bungq gyaeqnding daengj minzsuz hozdung dem.

  (Nungz Gvanbinh)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部