当前位置: Sawcuengh > saehmoq

Swcigih Minzyijveij Lienzhab Guengjsae Sinhvwnzvangj Doiok “Banj Vahcuengh Fapguek Miengnaeuz”

2018年05月28日    来源:广西民族报网    字号:[    ]

自治区民语委联合广西新闻网推出“壮语版宪法宣誓”

  Mboengqneix, Swcigih Minzyijveij、Guengjsae Sinhvwnzvangj youq mwh angqcoux Swcigih laebbaenz 60 hopbi neix, doiok le “banj Vahcuengh fapguek miengnaeuz”.

  Doiok “banj Vahcuengh fapguek miengnaeuz”, dwg gih raeuz ciuq 《Fapguek Cunghvaz Yinzminz Gunghozgoz》 diuz daihseiq gvanj daihseiq “gak minzcuz cungj miz gij swyouz yungh caeuq hwngfat saw vah bonjfaenh, cungj miz gij swyouz baumaenh caeuq gaijgwz fungsug sibgvenq bonjfaenh” caeuq 《Fap Gagguenj Dieg Minzcuz Cunghvaz Yinzminz Gunghozgoz》 diuz daih ngeihcib it gij cingsaenz “gij gihgvanh gagguenj dieg gagguenj minzcuz youq mwh guh hong, ciuq gij gvidingh diuzlaeh gagguenj dieg gagguenj minzcuz bonjfaenh, yungh cungj he roxnaeuz geij cungj saw vah dangdieg doeng’yungh, doengzseiz yungh geij cungj saw vah guh hong haenx, ndaej yungh saw vah minzcuz saedhengz dieg gagguenj haenx guhcawj”, gij banhfap cauhmoq doihengz hong yungh Sawcuengh Vahcuengh, vih hengz aen cidu fapguek miengnaeuz daezhawj le banjbonj vahgangj gig miz minzcuz daegsaek Guengjsae, doiq senhconz hag fapguek caeuq doihengz yungh saw vah Bouxcuengh cungj miz yiyi youqgaenj.

  Ciuq cam rox, youq mwh fanhoiz caeuq loegguh “banj Vahcuengh fap- guek miengnaeuz”, ndaej daengz Cungguek Minzcuz Yijvwnz Fanhyiz Giz Funghranz Sawcuengh Vahcuengh haeujcoengh caeuq bang.(Ciengj Yauz)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部