当前位置: Sawcuengh > saehmoq

Aenhoih Hong Gyangbi Bi 2018 Swcigih Minzyijveij Youq Namzningz Hai

2018年06月27日    来源:广西民族报网    字号:[    ]

提振信心 真抓实干

  Ndwen 6 ngoenz 19, Swcigih Minzyijveij youq Namzningz hai Aenhoih Hong Gyangbi Bi 2018, giengzdiuh aeu haeujlaeg hagsib gvancez gij cingsaenz Aenhoih Cibgouj Daih、Cibgouj Gaiq Ngeihcung、Samcung aendangj, yungh Siz Ginbingz seizdaih moq yiengh sevei cujyi miz Cungguek daegsaek swhsiengj guh ceijyinx, nyinhcaen doeksaed 《Gviveh Hwngfat “Cibsam Haj” Saehnieb Saw Vah Guekgya》, cienzmienh gvancez doeksaed gij baijbouh gvendaengz hong saw vah minzcuz Guekgya Minzveij caeuq Swcigih Dangjveij、Cwngfuj, daezhwnj saenqsim, caen ca caen guh, bauj- maenh cienzmienh guhsat nienzdoh gak hangh guhhong yinvu.

  Ndaej daengz Swcigih Minzyijveij dangjcuj suhgi、cujyin Hoz Cauzgen dakhawj, dangjcuj cwngzyenz、fucujyin Veih Yungjhungz cungjgez gij hong bineix doxdaeuj, ciengzsaeq anbaiz le hong byonghbi laeng. Swcigih Gijveij Baijyouq Swcigih Minzcunghveij Gijgenjcuj fucujcangj Dwng Bingjveih doiq haiguh “cwngci gensez roek hangh cungdenj yinvu” cienhangh gamduk genjcaz daengj hong guh le anbaiz. Dangjcuj cwngzyenz、fucujyin Yi Siz cujciz aenhoih.

  Aenhoih ceijok, bineix doxdaeuj, daengx veij gwnz laj caemh sim giet rengz、gungroengz hojnanz, gak hangh hong netsaed doicaenh. Cujyau biuj- yienh youq: Hong saw vah minzcuz vunznoix fazciva cincwngz saedyienh lizsij yathamj, hong gohyenz saw vah minzcuz miz bouhloh doicaenh aeu- ndaej cingzyauq moq, gij mienh yungh saw vah minzcuz gya’gvangq daezcaet haicauh gizmen moq, Sawcuengh Vahcuengh suijbingz gaujsi habngamj hingzseiq moq yamq haeuj cangzdai moq, gveihfan fanhoiz Sawcuengh Vahcuengh cinjdeng yauqlwd sang miz cinbu moq, Sawcuengh Vahcuengh senhconz daegsaek yienhda yienh’ok yienghsiengq moq, cunghab boiqhab caeuq fugsaeh baujcang naengzlig mboujduenh daezsang gikfat doenghlig moq, bonjfaenh gensez youq ndaw cienjbienq cozfungh ndaej daengz gyagiengz moq. Hoeng hix lij miz haujlai hojnanz caeuq vwndiz. Daengxcungq ganbu aeu haenqrengz guh, laemxsim guh baenaj, haenqrengz guh ok cingzcik, yungh cienzbouh goengrengz guhbaenz gij moegbiu yinvu daengx bi.

  Gak cusiz、cizsuz(bangguenj) danhvei youq gwnz hoih bauqlwnh le gij cingzgvang hong byonghbi gonq caeuq gij dajveh hong byonghbi laeng. Swcigih Minzyijveij fusinzsiyenz Yiz Feih caeuq veij gihgvanh caeuq cizsuz danhvei daengxcungq caiciz ganbu cizgungh、bangguenj danhvei Cungguek Minzcuz Yijvwnz Fanhyizgiz Funghranz Sawcuengh Vahcuengh mizgven bouxfucwz camgya aenhoih.(Liz Gvangjvaz)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部