当前位置: Sawcuengh > saehmoq

Baksaek Saw Feihyiz 《Sawcomz Fwen Yauzcuz》 Oksaw

2018年07月05日    来源:广西民族报网    字号:[    ]

百色非遗书籍《瑶族山歌选集》出版

  Mboengqneix, 《Sawcomz Fwen Yauzcuz》 youz Sihlinz Yen Minzyijgiz、Sihlinz Yen Yauzcuz Vwnzva Yenzgiuvei bien haenx cingqsik oksaw. Cek saw neix dwg dauq saw feih vuzciz vwnzva yizcanj Baksaek Si ndawde cek ndeu, dwg gij swhliu youqgaenj yenzgiu vwnzva vahgangj conzdungj Yauzcuz, hix dwg Guengjsae baez daeuz dawz fwen minzcuz doiqciuq hoiz biu Yauz Gun song cungj vah bien raiz oksaw.

  Yauzcuz dwg aen minzcuz yungh fwen gamjdoengh vunz、yungh fwen doengh cingz ndeu, fwen Yauzcuz fungfouq youq mbanj Yauzcuz riuzcienz, baenz diuz giuz caeuq diuz sai beksingq Yauzcuz doxgyau cingzgamj. Gij yaem doeg vahgangj fwen Yauzcuz caeuq vahgangj ngoenznaengz caeuq vahgangj cunghgyau mbouj doengz, riuzcienz ndaej cien bak bi mbouj dingz mbouj duenh, dwg gij sei sengdoengh geiqraiz caeuq fanjyingj Yauzcuz ciengzgeiz senj dieg caeuq guh hong gvaq ndwenngoenz, ndaej heuh baenz gij “bienq rin lix” vwnzva Yauzcuz. 《Sawcomz Fwen Yauzcuz》 soucomz cingjleix le mbangj gojgaeq ndawbiengz、okhaq aeuyah daengj fwen, caemhcaiq yungh Sawyauz Ginhmwnz hoiz biu, hai mbat daeuz vwnzva minzcuz doiqciuq hoiz biu Yauz Gun song cungj vah, fungfouq le gij neihanz cek sawfwen, daezsang le yozsuz yenzgiu gyaciz, doiq yenzgiu vahgangj conzdungj Yauzcuz, doilaeng gij suzdu siusaet vahcoj minzcuz, ciengjgouq、swnjcienz caeuq fatyiengz vwnzva minzsuz Yauzcuz, coicaenh dieg minzcuz doxgiet onjdingh caeuq minzcuz cinbu hoenghvuengh gig miz cozyung youqgaenj.

  (Liu Cincingh)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部