当前位置: Sawcuengh > saehmoq

Aen Ban Son’gyauq Hagsib Song Saw Vah Cangh- fwen Fwenleux Bingzgoj Yen Bi 2018 Haiban

2018年07月05日    来源:广西民族报网    字号:[    ]

2018年平果县嘹歌歌手双语学习培训班开班

  Ndwen 6 ngoenz 27, aen ban son’gyauq hagsib song saw vah canghfwen fwenleux Bingzgoj Yen bi 2018 haiban, Swcigih Minzyijveij fucujyin Yi Siz camgya aen yizsi haiban caemhcaiq gangjvah.

  Yi Siz youq aen yizsi haiban naeuz, hai aen ban son’gyauq hagsib song saw vah canghfwen fwenleux Bingzgoj Yen dwg Swcigih Minzyijveij caeuq Bingzgoj Yen Minzyijban giethab gij cingsaenz Cibgouj Daih dangj, yungh saedsaeh hengzdoengh angqhoh Swcigih laebbaenz 60 hopbi, engq ndei fatyiengz vwnzva vahgangj minzcuz vunznoix, dwg gij yienh’ok ciengzsaeq langhbaij dieg minzcuz minzcuz vunznoix hwngfat、ndawbiengz cinbu、minzcuz doxgiet. De maqmuengh gyoengq bouxhag insik seizgei hagsib, roengz sim haenqrengz hag; giethab gij saedsaeh bonjfaenh, dawz gij cihsiz hag ndaej haenx yungh daengz hong ngoenznaengz caeuq ndwenngoenz bae, doengzcaez dawz vwnzva minzcuz fatyiengz ndeindei bae.

  Ciuq cam rox, baez ban songyauq neix daj ndwen 6 ngoenz 27 daengz ngoenz 30, 60 lai boux canghfwen fwenleux youq 4 ngoenz ndawde hagsib gij cihsiz giekdaej Sawcuengh Vahcuengh、laj hingzseiq moq swnjcienz caeuq hwngfat fwen Guengjsae、gihbwnj lijlun caeuq fapgiuj cauh raiz fwenleux、fapgiuj yienjciengq fwenleux nem gyauqlienh yienghsiengq gwnz daiz daengj neiyungz.

  (Yiz Ciz/余 执 Veiz Ciuhyingz/韦秋莹)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部