当前位置: Sawcuengh > saehmoq

Dwzbauj: “Banhaemh Gyangjsiz” Haeuj Sim Lwgminz

2018年08月08日    来源:广西民族报网    字号:[    ]

德保:“夜话讲习”入民心

  “Caen vut gungz、vut caen gungz, neix couhdwg gunghcwngz gven lwgminz; nungzyez ak、lajmbanj gyaeu, vihliux cienzmienh ndaej saenqhwng; guh gaijgwz、dingh banhfap, banggungz bangcaiz vih beksingq; caemh baenz miz、haeuj siujgangh, cwngcwz dangj raeuz daeuj yinxlingx.” Mboengqneix, Dwzbauj Yen “lajmbanj saenqhwng vut gungz siujgangh” banhaemh gyangjsiz hozdung youq Cuzyungz Cin Laujboh Cunh hainduj.

  Haemh haenx, banhaemh gyangjsiz hozdung doenggvaq gangj ciengq vaiqbanj、gangj cawjdaez lajmbanj saenqhwng、bouxak bouxguhnaz gangj gingniemh baenz miz daengj fuengsik guh, hawj gij cwngcwz banggungz dangj、lajmbanj saenqhwng、cauhnieb baenz miz daengj neiyungz haeujlaeg simvunz. Mwh gyangjsiz hozdung, lij gyahaeuj “gij cingsaenz Cibgouj Daih dangj、lajmbanj saenqhwng、hwnjguh lajmbanj gyaeundei” daengj cihsiz neiyungz miz ciengj ciengjdap dem.

  Ciuq cam rox, Dwzbauj Yen cungfaen fatok gij cozyung bingzdaiz hagsib “Gyangjsizsoj Seizdaih Moq” neix, cujciz bouxguhhong lijlun、ganbu gihcwngz、bouxgyangjsiz、bouxyienj Heiqcuengh baihnamz, yungzhaeuj Heiqcuengh Dwzbauj、fwen Bouxcuengh、ngeihyienz ndokmax Bouxcuengh daengj minzcuz yisuz dangdieg, yungh gij fuengsik doengsug rox ngaih、haengj dingq gyaez yawj haenx, bae yanghcin、segih、mbanj daengj,haiguh hozdung gangj gij cwngcwz vut gungz gunggeng dangj、lajmbanj saenqhwng canloz daengj neiyungz, ndaej daengz vunzlai angqcoux.

  (Cinz Yinzbauj)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部