当前位置: Sawcuengh > saehmoq

Sanhgyangh Geiqniemh Sawdung Cauhguh 60 Hopbi Banh Yungh Vahdung Gangj Gojgaeq Doxdax

2018年11月29日    来源:广西民族报网    字号:[    ]

三江纪念侗文创制60周年 举办侗语故事演讲比赛

  Bineix dwg Gvangjsih Bouxcuengh Swcigih laebbaenz 60 bopbi, doengzseiz hix dwg 《Fueng’anq Sawdung》 cauhguh 60 hopbi. Vih fatyiengz minzcuz doxgiet、iuheuh minzcuz bingzdaengj, bi 1958, guekgya vih daengx guek 300 lai fanh vunz beixnuengx Dungcuz cauh sawfaenz, dajneix Dungcuz gietsat le gij lizsij dan miz vah mbouj miz sawfaenz.

  Vih angqcoux Swcigih laebbaenz 60 hopbi caeuq geiqniemh Sawdung cauhguh 60 hopbi, ndwen 11 ngoenz 17, Sanhgyangh Dungcuz Swciyen banh le gaiq daihngeih yungh Vahdung gangj gojgaeq doxdax, doenggvaq haiguh yungh Vahdung gangj gojgaeq doxdax hozdung, vatcimh、doigvangq gaisau gij vwnzva ndawbiengz minzcuz maenhndei Dungcuz, vih vwnzva Dungcuz daezhawj aen bingzdaiz langhbaij ndeu; gikfat minzcuz vwnzva gagsaenq, fatyiengz minzcuz cingsaenz; doenggvaq hozdung gyagiengz gyoengq ganbu vunzlai、hagseng gij yisiz baujhoh vwnzva minzcuz.

  Baez doxdax neix baen aen cuj vunzhung caeuq aen cuj bouxcoz nyezrauh song aen cuj guh, daengx yienh 15 aen yanghcin cungj miz daiqbiuj camgya. Ginggvaq sien doxdax genjleh le, gungh miz 23 boux senjsouj camgya yienjgangj doxdax ngoenzhaenx.

  (Vuz Couhhungz)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部