当前位置: Sawcuengh > saehmoq

Nanzdanh Guhbaenz 41 Aen Dieg Guhyiengh Canjnieb Banggungz

2019年01月03日    来源:Gvangjsih Minzcuz Bauvangj    字号:[    ]

  Geij bi neix daeuj, Nanzdanh Yen gyavaiq yamqdin hwngfat canjnieb, doicaenh “5+2” daegsaek canjnieb caeuq hwnjguh dieg guhyiengh canjnieb banggungz “cib daih bak fanh”. Seizneix, gungh guhbaenz 41 aen dieg guhyiengh yienh、yangh gak gaep canjnieb banggungz daengx yienh, ceng’aeu doenggvaq guhyiengh daiqdoengh, mboujduenh haigvangq canjnieb hwngfat gveihmoz, daezswng gij rengzyingjyangj canjnieb.

  Youq ndaw suen mak guhyiengh “sam daeg” Mbanjnagez Dangzhan Cunh Cehhoz Cin aen yienh neix, ndaem miz makgam、makndae Yizbwnj daengj mak daegsaek daengz 200 moux, bineix engq dwg sou ndaej lai.

  Daj haiguh vut gungz gunggeng doxdaeuj, aen yienh neix laeb miz oijdangz、nonsei、youq ndaw dah ndaw daemz ciengx bya daengj 41 aen dieg guhyiengh canjnieb. Doengzseiz yungh “son’gyauq canjnieb vut gungz” guh aen bingzdaiz guhhong, haiguh hong son’gyauq dinfwngz banggungz canjnieb, banh aen ban son’gyauq 86 geiz, son’gyauq ranzgungzhoj 4637 boux, hawj vunzlai ndaej rox dinfwngz, gyavaiq yamqdin dieg guhyiengh hwngfat.

  Linghvaih, aen yienh neix haiguh aen hozdung doxgaiq reihnaz ok mbanj、aen gunghcwngz doxgaiq reihnaz densangh ok mbanj、 aen hozdung goeng’ik siugai banggungz simndei、aen hozdung cauhlaeb binjbaiz nungzyez daegsaek、aen hozdung senhconz doiqciep gai doxgaiq reihnaz daengj, gaijgez le gij caetliengh ancienz doxgaiq reihnaz、hwnjguh dieg ndaem doxgaiq reihnaz、siugai gyagoeng doxgaiq reihnaz daengj baenzroix vwndiz.

  (Moz Munggyangh)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部