当前位置: Sawcuengh > saehmoq

Gofoux Heiqcuengh Daihneix 《Denzlinz Miz Heiq》 Youq Denzyangz Yienj

2019年01月03日    来源:Gvangjsih Minzcuz Bauvangj    字号:[    ]

  Bi 2018 ndwen 12 ngoenz 25, gofoux Heiqcuengh daihneix 《Daiz Heiq Ndei Ndeu Ciengq Mbanjcuengh》 youq Aen Cungsim Baeuqroxdoh Denzyangz yienjok, hainduj le Baksaek Si gaiq daihhaj vwnzyi comzyienj Denzlinz cienciengz 《Denzlinz Miz Heiq》.《Denzlinz Miz Heiq》 faen baenz haidaeuz 《Hwnj Daizheiq》、bien gwnz《Miz Angq·Heiq Moq Dap Daiz》、bien gyang《Miz Cingz· Ciengq Heiq Doiq Daiz》、bien laj《Miz Fuk·Heiq Ndei Lienz Daiz》 caeuq satbyai 《Denzlinz Miz Heiq》 5 aen bouhfaenh.

  Dangguh dieggoek vwnzva Heiqcuengh baihbaek, Denzlinz ndaej haenh baenz aenmbanj Heiqcuengh Cungguek. Denzlinz cienciengz vanjvei yungh “Denzlinz miz heiq” guh aen cawjdaez daengx daiz heiq yienjok, doed ok biujyienh gij sawjmingh youqgaenj Denzlinz rapdawz Heiqcuengh hwngfat haenx, doengzseiz hamz miz gij dieg miz vunz Denzlinz, couh miz daizheiq biujyienj Heiqcuengh. Vanjvei cujyau lwnhgangj gij gojgaeq ndei Denzlinz youq mwh vut gungz gunggeng baenzlawz guh ndei vut gungz baenz miz, yienjok yungh heiq gangj vunz, yungh heiq lwnh saeh lienzdoeng cawjdaez, yungzhaeuj gij vwnzva minzsuz daegsaek、fungsug Denzlinz daengj yenzsu, yungh gij biujyienj fuengsik cienzdoengj caeuq daihneix dox giethab, yienjok le gij ginglig haenqguh caeuq funghcaij yinxdaeuz lwgminz Denzlinz gvaq ndwenngoenz caeuq daizheiq loqsiengj, fanjyingj ok gij bienqvaq hungloet ngoenz ndei gvaq ngoenz seizdaih moq Denzlinz youq gwnz diuzroen vut gungz baenz miz.(Dwng Veijsi)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部