当前位置: Sawcuengh > saehmoq

Duh’anh: Haenqrengz Doicaenh Hwnjguh Vwnzva Lajmbanj Daezswng Gij Cingsaenz Vwnzva Saedceij Vunzlai Mbanjyauz

2019年01月30日    来源:广西民族报网    字号:[    ]

  Bi 2018, Dah’anh Yauzcuz Swciyen mboujduenh gyalai gij ligdoh hwnjguh gij gunghcwngz bangfuz vwnzva leih minz vwnzva, hawj vwnzva lajmbanj bang doi cinjcing vut gungz, hawj gij aeuyungh cingsaenz saedceij ngoenz lai gvaq ngoenz vunzlai lajmbanj habhoz.

  Cuknet hwnjguh giekdaej sezsih, gung aendieg hawj vunzlai guh vwnzva hozdung. Seizneix, daengx yienh 19 aen yanghcin cungj hwnjguh miz aen fuengzcamh doglaeb 400 bingzfanghmij doxhwnj, boiq miz bouxguenjleix vwnzva、 cawx miz dennauj、sezsienggih、aen’ingjsiengq, mbangj doih yienjheiq honghoengq boiq miz yinhyangj、daeng daengj sezsih; miz 10 aen ranz vwnzva hozdung gaep mbanj 100 bingzfanghmij doxhwnj; hwnq miz 40 aen dieg lienhndang dijyuz gaep mbanj, hawj vunzlai miz dieg guh vwnz dij hozdung.

  Gyagiengz hwnjguh aendoih vwnzva, daezsang gij rengzhoengh vwnzva hozdung vunzlai lajmbanj. Aen yienh neix gaenxmaenx laebbaenz aendoih yienjheiq lajmbanj, daengz seizneix daengx yienh miz 300 lai aen, 4000 lai vunz. Vih daezswng gij suijbingz vwnzva hozdung lajmbanj, bi 2018 aen yienh neix banh le aen ban diuqfoux、aen ban ciengqgo、aen ban son’gyauq fwen daengj lai loh son’gyauq vwnzyi yezvu daengz 500 lai vunzbaez.

  Gaenxmaenx haiguh vwnzva hozdung roengz mbanj, hawj gij heiqfaenh vwnzva lajmbanj hoenghhwd. Bi 2018 aen yienh neix cujciz Cin Lahlez daengj 5 aen doih yienjheiq honghoengq, yungh gak minzcuz doxndei doxbang huzndei hwngfat guh neiyungz, gag bien gag yienj cezmuz, haiguh roengz mbanj cunzdauq yienjok 100 lai ciengzbaez, fungfouq le gij cingsaenz saedceij vunzlai gak cuz.

  Ca ndei “sam gvanj camh ndeu ranz ndeu” haicuengq mbouj aeu cienz, bang doi haiguh vwnzva bangfuz leih lwgminz. Aen yienh neix dawz yienh duzsuhgvanj、 vwnzva’gvanj、 bozvuzgvanj、camh vwnzva cunghab yanghcin、ranzsaw nungzgyah daengj dieg goenggungh vwnzva haicuengq mbouj aeu cienz. Bi 2018, aen yienh neix hoizguh benqgohgyau denyingj Vahcuengh 45 bouh bae lajmbanj cunzdauq cuengqingj 300 lai ciengzbaez, bouxyawj daengz 8 fanh lai vunzbaez.(Lanz Fuzgvanh)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部