当前位置: Sawcuengh > saehmoq

Gih Vujmingz Namzningz Baizdazroen Gyaudoeng Gyahwnj Sawcuengh Yienh’ok Daegsaek Mbanjcuengh

2019年01月30日    来源:广西民族报网    字号:[    ]

  Mboengqneix, singz Gih Vujmingz Namzningz gak bakroen roenloh、duenh roen youqgaenj cungj vuenh le baizdazroen gyaudoeng moqsag, baizdazroen vuenh moq neix cawz Sawgun caeuq Sawgun gyoepyaem le, lij gyalai Sawcuengh dem. Neix dwg hangh banhfap youqgaenj Gih Vujmingz gyalai ndawbiengz yungh Sawcuengh.

  Ciuq cam rox, bi 2018 Gih Vujmingz bued cienz 464.86 fanh maenz hengzguh aen hanghmoeg daezswng hwnjguh gyaudoeng hawsingz, guh moq baizdazroen gyaudoeng 226 gaiq, cwgoemq 39 diuz roenloh ndaw hawsingz, caemhcaiq dajcang daengroen gaihaw, cungj miz gij yenzsu Mancuengh、aennyenz Bouxcuengh, doengzseiz baizdazroen vuenh moq haenx cungj yungh Sawcuengh, engq yienh’ok gij fungcingz Bouxcuengh Vujmingz, hawj de baenz diuz sienq gingjsaek ndeu langhbaij gij daegsaek Vujmingz Mbanjcuengh, neix dwg gij saedguh caenh’itbouh baujhoh caeuq swnjcienz vwnzva Bouxcuengh.

  Geij bi neix daeuj, Gih Vujmingz itcig haeujlaeg hengzguh gvancez gij cwngcwz hong vahsaw minzcuz guekgya, ciuq 《Aen Diuzlaeh Hong Saw Vah Minzcuz Vunznoix Gvangjsih Bouxcuengh Swcigih》《Gij Banhfap Guenjleix Ndawbiengz Yungh Sawcuengh Namzningz》 mizgven gvidingh, miz bouhloh haiguh hong gak loih mingzdeih geiqhauh、baiz aenyaenq danvih、hozdung hung daengj yungh Cuengh Gun song cungj saw, caemhcaiq aeundaej cingzcik ndei.

  (Veiz Hwngzli/韦恒丽)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部