当前位置: Sawcuengh > saehmoq

Bonjbauq Banh Aen Yizsi Ciemdingh Canghraiz Sawcuengh Geiz Daihngeih

2019年04月01日    来源:广西民族报网    字号:[    ]

Bonjbauq cungjbenhciz daiqbiuj bause caeuq canghraiz ciemdingh.

Aen yienhciengz ciemdingh.

5 boux canghraiz bineix caeuq bonjbauq ciemdingh.

  (Bonjbauq siusik gicej Cau Dwzfeih Liengz Cingz) “Seizcin raeujrubrub, bak va nyupnyup hai; song hoih ngamq ciuhai, canghraiz angq ciemdingh. Rumzcin daengz gwnzbiengz, yawj yienghyiengh cungj moq; beixnuengx caez goenghoh, canghraiz doh mbanj raeuz.” Ndwen 3 ngoenz 22, aen yizsi ciemdingh canghraiz Sawcuengh geiz daihngeih bonjbauq youq ndaw sing fwen goksasa neix hainduj lo.

  Bi 2018 ndwen 3 ngoenz 23, bonjbauq banh le geiz nduj “aen yizsi ciemdingh canghraiz Sawcuengh”, caeuq Yiz Ciz、Cungh Hihcwngh、Yinj Fuzgen、Luz Yuzgangh、Lingz Siuyangh 5 boux canghraiz Sawcuengh ciemdingh bi ndeu, cingj canghraiz Sawcuengh yungh vahcoj raiz faenzcieng, gyoengqde mboujduenh raiz ok faenzcieng ndei, youq 《Gvangjsih Minzcuz Bau》(banj Sawcuengh) fat le 47 geiz 47 aen cienbanj 38 bien faenzcieng, dijcaiz miz sanjvwnz、sawcuenh、fwen, daezcaiz lai, neiyungz gvangq, vih boux gyaez raiz faenzcieng Sawcuengh guh’ok yienghndei. Doengzseiz, gij faenzcieng ndei 5 boux canghraiz ciemdingh hix hawj gij caetliengh banj Sawcuengh ndaej daezswng, ndaej daengz bouxdoeg haenhndei.

  Bi 2019 bause gyahung aen doih ciemdingh, caeuq canghraiz ciemdingh geiz nduj laebdaeb ciemdingh doengzseiz, gyalai bouxraiz Danz Hijvah gig miz dungxcaiz raiz faenzcieng Sawcuengh haenx, gungh ciemdingh 6 vunz, hoeng Luz Yuzgangh aenvih ndangnaiq mbouj ndaej laebdaeb ciemdingh, ndigah ciemdingh geiz daihngeih miz Yiz Ciz、Cungh Hihcwngh、Yinj Fuzgen、Lingz Siuyangh、Danz Hijvah 5 boux.

  Ciuq cam rox, Danz Hijvah ngamq gyahaeuj aen doih ciemdingh neix, daj siujyoz hainduj hag Sawcuengh le, caengz gatduenh hag caeuq yungh Sawcuengh gvaq, bi 1999 hainduj yungh Sawcuengh raiz faenzcieng, youq 《Gvangjsih Minzcuz Bau》(banj Sawcuengh) caeuq 《Sam Nyied Sam》 fat 《Mwh Mbawraeu Nyumx Nding Bya Baihhaenx》《Yamq Ndeu Byaij Loek Seiqvunz Loek》《Caijsaek Seiqgyaiq Ciengxlwenx》daengj sawcuenh、sanjvwnz Sawcuengh 40 lai bien gvaq.

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部