当前位置: Sawcuengh > saehmoq

Hocouh Si Mboengq “Sam Nyied Sam Bouxcuengh” Yawjnaek Senhconz Yungh Saw Vah Minzcuz

2019年04月10日    来源:广西民族报网    字号:[    ]

  Mboengq “sam nyied sam Bouxcuengh”, Hocouh Si Minzcunghveij、Minzyijveij gaenxmaenx boiqhab daengx si mizgven bouhmonz, guh ndei hong yungh saw vah minzcuz youq doengh aen hozdung baenzdauq “sam nyied sam Bouxcuengh·aen ciet angq Guengjsae” neix.

  Ciuq gij doengjit baijbouh Swcigih Minzcunghveij, Hocouh Si Minzcunghveij、Minzyijveij gyagiengz caeuq gyauyuz、vwnzva、dijyuz、 lijfazveij、gvangjden daengj doengh aen danvih cawjbanh roxnaeuz bangbanh aen hozdung baenzdauq “sam nyied sam Bouxcuengh” neix doxdoeng lienzhaeh, cawjdoengh daezhawj saw vah minzcuz vunznoix daegbied dwg gij fugsaeh fanhoiz Sawcuengh, gaenxmaenx doxyaeng gvangqlangh boq、venj、nem gij senhconz byauhyij Cuengh Gun song cungj saw swcigih vwnzgen doengjit iugouz haenx, yungh Cuengh Gun song cungj saw guh、dajveh hoihbiu、veihbyauh(LOGO)、ciengzbeigingj aen hozdung, fat senhconz swhliu, cauh ok gij heiqfaenh ndawbiengz angqyangz、huzndei、angqhoh, sonyinx gak mizgven bouhmonz youq mwh haiguh hozdung vwnzva minzsuz, caenhliengh yungh vahdoj、vahdeihfueng daengj “vahmbanj” vunzlai gak minzcuz dangdieg maij dingq gyaez dingq、ngaih rox dingq rox de, gujli bouxcujciz mwh cujciz hozdung (cezmuz)、bouxdaeuz gangjvah doengzseiz yungh Vahbujdungh caeuq vah minzcuz dangdieg, yungh neix doed ok daegsaek vwnzva vahgangj minzcuz, langhbaij gij daegsaek vwnzva deihfueng lai cungj vah huzndei Hocouh Si.

  Vih guhsat hangh hong neix, Hocouh Si Minzcunghveij、Minzyijveij dawz cwzyin doeksaed daengz vunz, iugouz mizgven vunz guh ndei hong soucomz gvidangj swhliu, nyinhcaen roxyiuj hozdung “sam nyied sam Bouxcuengh”guh ndaej baenzlawz yiengh, cungjgez gingniemh ndei baez hozdung neix yungh saw vah minzcuz, vih coglaeng hong saw vah minzcuz guhyiengh ndei.(Cau Ginhbinh)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部