当前位置: Sawcuengh > saehmoq

Sanhgyangh: Gij Laex Angqhoh Laeuzgyong Baij Fungcingz

2019年06月03日    来源:广西民族报网    字号:[    ]

Beixnuengx Dungcuz diuqfoux angqhoh laeuzgyong guhbaenz.

  Ndwen 5 ngoenz 25, Sanhgyangh Dungcuz Swciyen Bazgyangh Cin Sanhdonz Cunh banh aen hozdung gij laex angqhoh laeuzgyong, vunzlai dangdieg yungh dohyeh、ngaizhumx、yienjheiq daengj cezmuz lai yiengh, caeuq bouxhek Huznanz Guengjsae song sengj gih caezangq, caez angqhoh laeuzgyong Mbanjdung guhbaenz, caez baij gij yinxdaeuz vwnzva laeuzgyong Mbanjdung.

  Laeuzgyong moq Sanhdonz ciemq najdieg 57 bingzfanghmij, laeuz sang 18 mij, dwg yiengh dap dingjsoem gouj yiemh seiqfueng, bi 2019 ndwen 2 ngoenz 26 haihong, ndwen 4 ngoenz 18 sathong, yungh 52 ngoenz guh, sai bae 40 fanh maenz.

  Laeuzgyong dwg gij geiqhauh yiengh ranz youqgaenj aenmbanj Dungcuz, dwg dieg hozdung Mbanjdung doxcomz、 yaeng saeh、 guh’angq, ndaej vunz Mbanjdung haenh baenz “mbei mbanj”“hoenz mbanj”.

  (Gungh Bujgangh/龚普康)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部