当前位置: Sawcuengh > saehmoq

Cingsih Damqra Gij Vunqsik Moq Hwngfat Canjnieb Hawj Vunzguhnaz Laisou

2019年06月03日    来源:广西民族报网    字号:[    ]

  Geij bi neix daeuj, Cingsih Si gaenxmaenx damqra gij vunqsik moq hwngfat canjnieb banggungz, roengzrengz guh gij vunqsik moq “sam ndaem it ciengx” hwngfat cujyau canjnieb, haenqrengz hawj vunzguhnaz laisou.

  Ciuq cam rox, aen si neix doiq gij canjnieb ndaem ien, youq 15 aen yanghcin dieg ndaem ien lai haenqrengz doigvangq gij vunqsik doxlwnz ndaem haeuxnaz caeuq ien, yungh ndaej ndei diegnaz, ndaej daengz gij yaugoj ien sou ndaej lai、haeuxnaz sou ndaej lai. Doiq gij canjnieb ndaem gonengznuengx ciengx nonsei, youq 12 aen yanghcin diegbya rin lai doengjit hwnjguh 35 aen suen canjnieb ndaem gonengznuengx ciengx nonsei, haenqrengz doigvangq gij vunqsik ndaem gonengznuengx ciengx nonsei doxbiek, ietraez diuzlienh canjnieb, cungfaen haifat caz nyod gonengznuengx、yungh haex nonsei gyagoeng baenz liuh gueng vaizcij daengj huq. Doiq gij canjnieb mak, cungdenj youq diegbya sang 50 aen suen canjnieb makdoengj makgam ndei, cienzmienh doigvangq gij vunqsik “raemx bwnh doxcaez”, daezsang cingzsoq yungh raemx yungh bwnh, gyangqdaemq cienzgoek vunzhong、bwnh lailai, suenq ndei gij cienzgoek dajndaem nungzhoh it gya it gemj haenx. Doiq gij canjnieb ciengx mou, yungh gij vunqsik “gunghswh+dieggoek+cunhcizdij+nungzhoh”, giethab fuengz mou binghraq Feihcouh, hwnjguh dieg dajciengx swnghdai cinwngz、cizyoz, doigvangq cauhguh dajndaem dajciengx giethab yungh haex nyouh doenghduz bae, doidoengh ciengx mou biucinjvaq、canjniebvaq、gveihfanva hwngfat.

  Daengz bineix ndwen 4, daengx si ien ndaem moq 7 fanh moux, suen gonengznuengx ndaem moq 2.89 fanh moux, cungjsoq najdieg daengz 17.5 fanh moux; mak ndaem moq 0.87 fanh moux, cungjsoq najdieg 17.3 fanh moux. Aen si neix daegsaek canjnieb hwngfat cangqheiq, daiq souhaeuj onjdingh daeuj hawj ranzgungzhoj.

  (Hij Cwngyungj)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部