当前位置: 首页 > 民族文学

电梯惊魂(汉文、壮文小说,潘朝阳)

2019年07月09日    来源:    字号:[    ]

  乘电梯遇到惊魂一刻,我在电视上看过,也在网络视频里见过,其中有两个惊恐的画面印象深刻:一个是有个熊孩子乘电梯时,不停地乱按按钮,造成电梯失控上蹿下跳,好在救援人员及时赶到,否则就酿成大祸。令人惊异又气愤的是,熊孩子的父亲同乘电梯,竟然对这般恶劣行径放任自流;另一个是有个醉酒男子猛踹电梯,正所谓不作不死,悲剧发生了,男子一脚踏空,直接从九楼摔下死亡。这样的骇人事件,多为人为造成,发生的概率极低,我从来没想过自己会遇到。

  日前,随团到某地旅游,入住酒店时,遭遇到电梯惊魂一刻。过程惊险,教训深刻,值得记叙,以示后人。

  当日傍晚,随团到了某县城。入住酒店时,已至晚餐时间,众人一窝蜂涌进电梯,额定10人的电梯,挤进了11人。原本以为超员会响起报警声,不料电梯却显示一切正常。

  人群中一位美女得意地说:“谁叫我们多是苗条女子,电梯对苗条淑女也多有钟爱!”

  另一位身材已经发福的大妈也说:“别看我不算苗条,但其实我的体重不重的!”

  我偷偷瞥了大妈一眼,心里暗自笑道:如果一百二十斤不算重的话,那她的体重就真不算重了。

  电梯里还夹杂着三个男人,我是其中之一。我抬脚想退出电梯,以免超员影响正常运行,人群中却有说没有报警声,没事的。

  然而,偏偏就出事了。电梯升至三层时,被卡住了。电梯门只开得一条缝,门缝小出不得人。更不妙的是,电梯门外,又被一道拉闸门锁住。原来,该楼层为对外营业餐馆,电梯外加了一道拉闸门,无生意时拉闸门锁上。

  紧急中,有几个人不约而同给总台打电话。很快,一名服务员跑来了。大伙见救星来了,叽叽喳喳又笑了起来,说快打开锁,让我们逃难吧。然而,只见服务员用手去拽拉闸门上的暗锁,任凭他怎么拉拽,那暗锁仍纹丝不动。这时,他才说要去找钥匙。不料,他去了一会回来说,钥匙被已下班的工人拿走,对方手机已关机。在众人焦急的催促声中,他又出去打电话叫锁王。过了一会,他又回来说也联系不上锁王。

  这么一而再,再而三地无法解困,大伙开始慌张起来,谁也不知道往下会发生什么事情。

  “帅哥你别一个劲往后靠,危难时刻还要趁机揩油呀!”紧张的气氛中,一个年轻女子不知是想缓和一下气氛,还是真的被男人挤着了。可是,她这么逗趣的话,竟无人笑出一声来。

  这时,门外又来了两位服务员,他们的对话让门里的人听了直打寒战:把电源断掉,让电梯自动掉到一楼,然后再扒开电梯门。乖乖,电源断掉后,电梯不会“嘣”地一下直落楼底?

  偏在此时,电梯里一位小伙子的话,让人觉得快要崩溃,“我在网上看过视频,电梯掉下去时大家抱头蹲下,说不定还可保得一条命。”

  接下来,电梯里弥漫着几近绝望的情绪,有打110报警求救的,有叫缺氧快窒息了的。还有一位年纪稍长的女同志,她悄声对身旁一位姑娘说,“我刚把银行卡密码发给儿子了”……她的话像是要交代后事似的,众人听得不寒而栗……

  人群里数我年长,有人提议听下我的意见。我已过知天命之年,也算经历过风雨,所以略比年轻人淡定。我说:“大伙莫慌,电梯不会掉下去,最多也是速升速降吓吓人,大家淡定点吧。”

  我的话似乎有点作用,大伙安静不再出声。惊魂未定间,只见电梯门自动关上,之后感觉电梯在缓缓下降。原来,电梯被断掉了电源,而它也乖乖地降到一楼。待电梯停下后,门外几个人用力把电梯门扒开,众人逃命般冲出门去。

  几位年轻女子劫后重生似的喜不自禁,有的说要投诉酒店,有的说要把惊险遭遇发到网上。

  酒店方争辩说:电梯没有事,是你们乘电梯超员了。大伙见理亏,也不再争执,纷纷奔餐厅而去。

  我心里一直在后怕:电梯超员不发出报警声,并不代表电梯安全运行。我们以为自己聪明,其实是拿自己的生命安全开玩笑。

  大伙吃饭时,只见刚才急着把密码告诉儿子的那位女士不吃饭,独自在一旁打电话。

  她还有啥事比吃饭还急的,小伙子好奇地向大家发问,“大伙猜猜她在说啥?”

  年轻人就是反应快,一位姑娘接口就答:“她一定是在跟儿子说,小宝贝,老妈没事了,你千万别把密码告诉你老爸哦!”

  另一位姑娘说的更诙谐,“乖儿子,你别把告诉你老爸,老妈答应给你买一部苹果7手机啦。”

  还有一位小伙子的话更出格,“儿子,千万别给老爸知道老妈村有钱,不然他会拿去找年轻的女人回来给你做后妈的!”

  几个年轻人笑哈哈的乐开了花。

  那位打电话的女士听到大伙乱猜她之后,平静地对年轻人说:“刚刚我跟儿子他爸报了平安,他知道我脱险后马上在电话那头哭起来了!”

  一句平淡的话语,却让年轻人听得呆完了。

Naengh Laedienh Deng Lau

  Laedienh, dwg gangj aen lae ynngh dienh haenx.Vahgun gangj laedienh guh “dendih”, Vahcuengh mbouj miz gangj, aenvih seizgonq cij miz laefaex, aen laefaex mbouj yungh dienh. Seizneix miz aen lae yungh dienh le, raeuz couh gangj de guh laedienh ndaej lwi? Gou gag nyinhnaeuz ndaej, gangj laedienh aeu beij riengz Bouxgun gangj “dendih” ndei gvaq.

  Naengh laedienh fuengbienh lai, mbouj yungh byaij couh ndaej hwnj laeuz roengz laeuz. Naengh laedienh yienznaeuz fuengbienh, hoeng danghnaeuz mbouj siujsim couh miz saeh yungyiemj okdaeuj. Gou yawj densi raen gvaq, miz song boux vunz naengh laedienh luenh guh le ok saeh lo: Boux ndeu ca di ndeu dai bae, boux ndeu daj gwnz laeuz doek roengzdaeuj dai lo.

  Boux daih’it dwg boux lwgnyez maij luenh gauz ndeu, lwg neix nem daxboh de haeuj aen laedienh le, couh luenh naenx aen angen laedienh, daj caengz daih’it naenx daengz caengz ceiq sang, youh daj caengz ceiq sang gaemh dauq caengz daih’it. Lwg diuqbeiz neix gaemh bae gaemh daeuq, daxboh de cungj mbouj naeuz saek coenz. Vunzraeuz cungj raen lai lo, boh meh mbouj son lwgnyez, daengzlaeng cungj lwg neix aeu deng gwnzmbwn daeuj bang boh meh de son. Seizneix, aen laedienh deng lwgnyez haenx gaemh luenh le, couh lumj duzma fatbag nei diuq hwnj diuq roengz, yaep he daemj daengz laeuz dingj bae, yaep he youh doek roengz caengz daih’it, cungj dingz mbouj roengzdaeuj. Baezneix daxboh de vueng lo, boux boh haenx doq got lwg diuqbeiz, doq daj dienhvah heuh vunz daeuj gaeuqmingh. Caeklaiq miz vunz daeuj gaeuq, song boh lwg neix cij gip ndaej mingh dauq.

  Boux daihngeih naengh laedienh ok saeh dwg bouxcoz ndeu, de yaek daj caengz daihgouj naengh laedienh roengz laeuz. Bouxcoz neix gwn laeuj fiz le, byaij roen cungj ga unq ga geuj lo. Boux gwn laeuj fiz raen lai gvaq, hoeng lumj bouxcoz neix fiz laeuj le gag ra dai cungj mbouj raen gvaq. Bouxcoz neix nyinhnaeuz aen laedienh daj caengz daih’it hwnjdaeuj menh lai, couh diuq hwnjdaeuj dikdaeb aen bakdou laedienh. Boux ra dai neix ok rengz dik bae dik dauq, aen bakdou laedienh deng de dik hai lo. De raen aen bakdou hai le couh yaemq haeuj bae, siengj mbouj daengz aen laedienh caengz daengz caengz laeuz neix, de caij hoengq le deng daj caengz daihgouj doek roengz laeuz daej bae, sikhaek couh gyaeuj dek ndok raek goenqheiq bae lo.

  Naengh laedienh ok cungj saeh yungyiemj neix, itbuen cungj dwg vunzraeuz luenh gauz cij miz saeh. Hoeng gou cungj siengj mbouj daengz, miz baez ndeu gou naengh laedienh hix ok saeh gvaq.

  Mboengqgonq, gou nem gyoengqvunz bae lijyouz, seiz haeuj hekdiemq ninz aeu naengh laedienh hwnj laeuz. Ngoenzhaenx mbwn laep lo, gyoengqvunz dungx iek cungj siengj vaiq di hwnj laeuz bae gwn ngaiz. Aen laedienh hanhdingh naengh cib vunz, dou caenx haeujbae cibit boux. Bingzseiz gij vunz mauhgvaq soq le laedienh couh bauqgingj yiengjdwddwd, ngoenzhaenx dauq mbouj dingqnyi yiengj saek sing.

  Seizneix, miz dahsau lengj ndeu riu’ij naeuz:“Raeuz vunz lengj ndang mbaeu, laedienh caemh lumj bouxsai yienghhaenx, gyaez dahsau vunz lengj ndang reux hw!”

  Lij miz mehbaj biz di ndeu hix naeuz:“Sou gaej naeuz gou mbouj byom geijlai, gizsaed gou mbouj naek.”

  Gou laeglemx liuq mehbaj haenx, ca di riu hwnjdaeuj: Danghnaeuz bak sam seiq gaen mbouj suenq naek, mehbaj neix couh suenq mbaeu lo.

  Ndaw laedienh gungh miz sam boux bouxsai, gou naemj bouxsai aeu nyiengh mehmbwk di, couh yaek ok bae hawj gyoengqde hwnjbae gonq. Hoeng mbouj rox bouxlawz gangj naeuz, mbouj lau ha, laedienh mbouj bauqgingj, lai saek boux vunz mbouj youqgaenj ha.

  Siengj mbouj daengz, baezneix youqgaenj lai lo. Aen laedienh hwnj daengz caengz daihsam le, deng gaz lo. Seizneix, aen bakdou laedienh ngamq hai ndaej lwgfwngz gvangq, gaej gangj ok boux vunz, couhcinj iet faj fwngz ok bae cungj deng geb.

  Lij miz saeh boihseiz dem, aen bakdou laedienh baihrog caiq miz aen bakdou, aen bakdou haenx dwg aeu gangdiuz guh, aen dou gangdiuz caemh suj hwnjdaeuj lo. Laxlawz, caengz laeuz neix dwg funghgwnngaiz guhlaeuj, bingzseiz miz hek daeuj gwn laeuj couh hai dou, ngoenzneix mbouj miz vunz cingj laeuj, aen bakdou couh suj lo.

  Gyoengqvunz deng gaz youq ndaw laedienh, baihrog laedienh youh caiq suj hwnjdaeuj, baezneix dai caengz? Miz geij boux vunz cungj ciengj aeu daj dienhvah heuh cungjfuzvudaiz. Yaep he, miz boux fuzvuyenz buet daeuj lo. Gyoengqvunz raen miz boux gouqsing daeuj le, youh hihihaha riu lo, cungj naeuz vaiq di hai dou ha, dou yaek geb ga deuz mingh la! Yienzbonj miz bouxsai yaek gangjriu naeuz “geb viz deuz mingh”, hoeng raen miz mehmbwk lai, couh vuenh bak gangj “geb ga”. Gyoengqvunz riu vaiq lai lo, lij miz saeh aeu daej youq laeng. Boux fuzvuyenz mbouj dwg aeu yaekseiz hai dou, dauq aeu fwngz daeuj mbik aen dou, lwg neix huk lai lo, aeu fwngz bae mbik aen bakdou gangdiuz, mwngz laihnaeuz dwg lumj ndaw denyingj yaeuh lwgnyez ha, gij gangdiuz geijlai hung cungj aeu fwngz mbik ndaej hai. De ok rengz mbik daengz hanh conh cungj mbik mbouj hai, cij naemj daengz bae ra yaekseiz. Ngamq bae yaep he, de youh dauqma naeuz, baezneix nyuknyak le, boux dawz yaekseiz haenx roengzban baema lo. Gyoengqvunz dingq le hujdengdeng, cungj swenj hwnjdaeuj naeuz vaiq di heuh bouxhaisuj daeuj ha. Boux vunz neix cij bae daj dienhvah heuh bouxhaisuj, gvaq song faen cung de youh dauqma naeuz cuij lai lo, ra mbouj ndaej bouxhaisuj daeuj.

  Baenq bae baenq dauq, cungj mbouj miz banhfap hai dou, seizneix gyoengqvunz cungj lau dai lo. Bouxlawz mbouj lau ha, yienghneix ngaiz roengzbae dai ndaej vunz lw!

  “Daegmbauq, mwngz gaej dep gvaqdaeuj baenz lai, yaep dai le lij aeu nem mehmbwk ciemq bienzngeiz ha!” Yienznaeuz bouxboux cungj lau daengz nyouh conh, dauq miz dahsau ndeu lij gangj cungj vah neix, mbouj rox de dwg gangjriu ,roxnaeuz dwg deng vunz nem ngang “gwn daeuhfouh” dahraix? Vah de ndeiriu lai, hoeng cungj mbouj miz bouxlawz riu ndaej okdaeuj.

  Seizneix, baihrog youh daeuj song boux fuzvuyenz, gyoengqde gipmuengz siengliengz aeu banhfap maz gouq vunz. Gyoengqvunz youq ndaw laedienh dingqnyi geij boux fuzvuyenz naeuz yaek yienghneix guh: Cab dienh bae, aen laedienh mbouj doeng dienh le, couh rox gag doek roengz caengz daih’it bae, daengz haenx le gyoengqde caiq mbik hai aen bakdou, yienghneix vunz ndaw laedienh couh ndaej duetyiemj lo. Dai lo, vihmaz naemj daengz fuengfap baenz huk neix? Danghnaeuz cab dienh le, aen laedienh “bungz” sing ndeu sikhaek doek roengz laeuz daej bae, gij vunz ndaw laedienh mboujdan nyouh conh, haex cungj aeu biu okdaeuj.

  Seizneix, ndaw laedienh miz bouxcoz ndeu bak humz lai, de luenh gangj vah naeuz:“Gou youq gwnz muengx raen gvaq miz sibinz yienghneix son vunz, gvaq yaep he laedienh dub roengzbae, raeuz aeu got gyaeuj maeuq roengzdaeuj, yienghneix guh le, couhsuenq deng ga raek fwngz mbit, lauheiq lij gip ndaej diuz mingh ha!”Gyoengqvunz dingq le cungj ndaq naeuz mwngz bak haeu mbouj lau deng byajbag ha!

  Ndaq gvaq bouxcoz haenx le, gyoengqvunz ndaw laedienh luenh lo, miz vunz ganjgip daj dienhvah hawj 110, miz vunz heuh dai heuh lix naeuz diemheiq dwgrengz lai lo. Lij miz boux mehmbwk geq di ndeu, de laeglemx lwnh dahsau henz ndang:“Gou ngamq daj dienhvah lwnh maedmax mbaw gaj ngaenzhangz hawj daeglwg rox lo.”Mehmbwk geq di gangj cungj vah neix, lumjnaeuz de yaek vutmingh le, aeu gyaudaih saeh ndaw ranz seuqsat bae, gyoengqvunz dingq le cungj ciedmuengh liux.

  Gyoengq vunzlai suenq gou ceiq geq, miz vunz naeuz caezgya gaej cauz lai, dingq bouxlaux gangj gonq. Gou yaek ndaej loegcib bi lo, aeu vahbeij mbanj dou daeuj gangj heuh guh “duznuem ok haex cungj ndaej raen gvaq”, bouxlaux raen lai gvaq, bungzdaengz saeh maz cungj simdingh di. Gou naeuz:“Caezgya gaej lau lai, aen laedienh doek mbouj roengzbae, ceiq lai dwg luenh le beij bingzseiz roengzbae vaiq di, raeuz sim dingh di ha.”

  Lumjnaeuz gou gangj vah miz di yungh, gyoengqvunz cungj mbouj guhsing lo. Gvaq yaep he, caezgya raen aen bakdou laedienh gag gven hwnjdaeuj, youh gag roengz laeuz daej bae. Laxlawz, dwg fuzvuyenz cab dienh le, aen laedienh dingqvah menhmenh roengz laeuz daej bae. Daengz caengz laeuz daih’it dingz maenh le, song boux fuzvuyenz yungh rengz mbik aen bakdou, aen bakdou deng geuh hai le, gyoengqvunz lumj deuz duzfangz yienghhaenx cung ok daeuj deuz mingh liux liux.

  Lumjbaenz dai yaek moek le youh ndaej daj namhnding ruenz hwnjdaeuj yienghhaenx, miz geij dahsau youh angq youh hozndat, dah ndeu hemq naeuz aeu gauq aen hekdiemq, lij miz dah ndeu naeuz aeu raiz gienh saeh yungyiemj neix fat daengz gwnz muengx bae, hawj vunzlai rox aen laedienh hekdiemq neix ca di haih dai vunz.

  Bouxdaeuz hekdiemq dingq song dahsau yienghneix gangj le, mbouj fug geijlai, couh euq naeuz:“Laedienh mbouj vaih, dwg sou mauhgvaq vunzsoq caenx haeujbae cij baenzneix.” Dou cungj rox, laedienh hanhdingh ndaej naengh cib boux, dou caenx haeujbae cibit boux, lij miz naj gangj dem! Yienghneix, bouxboux cungj mbouj guhsing, caez bae gwn ngaiz lo.

  Yienznaeuz gienh saeh yungyiemj neix gvaqbae lo, hoeng gou dauqnaemj hwnjdaeuj lij fwngz saenz ga unq: Dou mauhgvaq vunzsoq haeuj aen laedienh le, aen laedienh mbouj yiengj sing bauqgingj, gizsaed ciuqyiengh ciunaek miz yungyiemj lo. Gyoengq dou laihnaeuz swhgeij coengmingz lai, gizsaed dwg ra dai ha.

  Gyoengqvunz cungj gwn ngaiz lo, boux mehmbwk geq di haenx mbouj gwn ngaiz, de youq henz daj dienhvah.

  De lij miz saeh maz baenz youqgaenj bae, miz bouxcoz ndeu cam vunzlai:“Sou guj de gangj gijmaz ne?”

  Bouxcoz bakdeih, dahsau ndeu hai bak couh naeuz:“De haengjdingh daengq daeglwg de naeuz, lwg gvai ha, daxmeh fouz saeh lo, haxbaenh lwnh mwngz maedmax mbaw gaj ngaenzhangz, mwngz ciengeiz gaej roh bak hawj daxboh rox ha!”

  Lingh boux dahsau rox gangjriu lai lo:“Lwg gvai ha, mwngz mbouj lwnh daxboh rox, meh couh cawx aen soujgih Bingzgoj 7 hawj mwngz!”

  Gyoengq bouxcoz dingq le cungj riuhaha.

  Bou mehmbwk geq di haenx dingqnaeuz gyoengqvunz yienghneix gangjriu le, de mbouj riu saek di, dauq dinghdingh caeuq caezgya gangj naeuz:“Haxbaenh dwg caeuq daxboh lwgnyez daj dienhvah, de dingqnaeuz gou duet nanh bingzan le, de cungj daejngw’ngw hwnjdaeuj lo!”

  Coenz vah neix gangj singyaem mbouj sang, hoeng gyoengq bouxcoz dingq le cungj aj bak gangj mbouj ok vah daeuj, bouxboux cungj ngeixloekloek bae.

作者:潘朝阳

编辑:mzb

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部