当前位置: Sawcuengh > saehmoq

Dunghlanz:Aen Hozdung Goepingj Gingqdaeuz Yapvaiq Banj Vahcuengh Deihfueng 《Gou Caeuq Guekcoj Gou》 Guh Ndaej Hoenghhwd

2019年07月09日    来源:广西民族报网    字号:[    ]

  Ndwen 6 ngoenz 25, aen baksok laj giuz Dahraemxhoengz Dunghlanz Yen Aidung Cin nauhyied dangqmaz, seiz mbouj seiz cienz daeuj raq dem raq sing angq hemq “gou gyaez guekcoj gou”, gyoengq vunz foenfoen gangjok gij cingz gyaez guek naekgywd bonjfaenh. 50 lai boux vunz Aidung Cin Cungsim Siujyoz、yanghcin ganbu caeuq ginzcung henzgyawj doxcomz youq gizneix, yungh gij cingsaenz ndei、gij yiedcingz hoengh caeuqfaenh aen hozdung goepingj gingqdaeuz yapvaiq banj Vahcuengh deihfueng 《Gou Caeuq Guekcoj Gou》.

  Vih angqhoh guekcoj laebbaenz 70 hopbi, gvancez doeksaed gij cingsaenz daezswz youqgaenj Siz Ginbingz cungj- suhgi “cauhlaeb aen Gvangjsih gyaeu- ndei saedyienh aen loqsiengj fuk- hwng”, doengzseiz ngamjbungz Dungh- lanz Yen angqhoh Veiz Bazginz doek- seng 125 hopbi, Cunghgung Dunghlanz Yenveij Senhconzbu lienzhab Yen Minzyijgiz, guh aen hozdung goepingj gingqdaeuz yapvaiq 《Gou Caeuq Guek- coj Gou》. Baez gingqdaeuz yapvaiq neix go neiyungz gig miz daegsaek deihfueng, doenggvaq boux cauh go deihfueng dauqcungz dienz swz gaijbien, yungh Vahcuengh bonjdieg yienjciengq, gig mbouj doengz gaiq wnq youh ndei ciengq, bouxdingq dingq ndaej maez liux. Dieg goepingj cujyau dwg gwzming lezsw lingzyenz、Aen Guenj Geiqniemh Veiz Bazginz、Laeuzgveizsingh、Gamj Lezningz daengj dieggoek gwzming gyauyuz, caeuq Dahraemxhoengz、gyaranz banggungz daengj gingjsaek、dieggoek canjnieb daengj, bouxvunz caeuqfaenh goepingj miz gak yanghcin ganbu ginzcung、lauxsae hagseng daiqbiuj、gak hangznieb daiqbiuj daengj, senhconz banggungz daegsaek canjnieb, fatyiengz gij cingsaenz gyaez guek cujyi, cienzboq gij cingz gwzming, swnjcienz fungsug vwnzva minzcuz Bouxcuengh.

  (Hanz Gez)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部