当前位置: Sawcuengh > saehmoq

Bi 2019 Sawcuengh Vahcuengh Suijbingz Gaujsi Ndwen 7 Ngoenz 28 Gauj

2019年07月09日    来源:广西民族报网    字号:[    ]

  Swcigih Minzcunghveij fat goenggauq, bi 2019 Sawcuengh Vahcuengh suijbingz gaujsi dingh youq ndwen 7 ngoenz 28 youq Gvangjsih Minzcuz Dayoz banh.

  Ciuq goenggauq, vunz bauqgauj mboujhanh sai mbwk、minzcuz、bindwen、haglig、guh hong lawz、dieg lawz、guek lawz daengj, ndaej ciuq gij saedsaeh bouxvunz aeuyungh, swyouz senj bauq mizgven daengjgaep.

  Gaujsi neiyungz cujyau dwg gauj boux gaujseng yungh Sawcuengh Vahcuengh, baugvat gij giekdaej cihsiz Sawcuengh Vahcuengh、gap sawloih cauh coenz vah、yawjdoeg roxyiuj、fanhoiz (Cuengh hoiz Gun、Gun hoiz Cuengh) caeuq raiz faenzcieng daengj fuengmienh. Gaujsi baen cogaep、cunggaep、gaugaep 3 aen daengjgaep, faensoq mbaw gaujgienj gaujsi muenxfaen 100 faen, gaujsi cingzcik 60 faen dwg diuzsienq biucinj habgek, gak daengjgaep baen gyap、iet 2 aen daengjgaep, 80 faen(baugvat) doxhwnj dwg daengjgyap, 60-79 faen dwg daengjiet.

  Bauqmingz miz gwnz muengx bauqmingz caeuq daengzdieg bauqmingz 2 loh, bouxvunz gwnz muengx bauqmingz ndaej youq ndwen 7 ngoenz 1 daengz ngoenz 18 hwnj Swcigih Minzcunghveij Vangj (http://mzw.gxzf.gov.cn/html/index.html), diemj “Sawcuengh Vahcuengh suijbingz gaujsi gwnz muengx bauqmingz” bauqmingz ndaej.

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部