当前位置: Sawcuengh > saehmoq

Lozcwngz: Hwngfat Dajciengx “Sae Dinghdan” Bang Vunzguhnaz Laisou

2019年08月02日    来源:广西民族报网    字号:[    ]

  Geij bi neix daeuj, Lozcwngz Mulaujcuz Swciyen Genh’ai Yangh Dunggang Cunh yungh gijndei swhyenz, haenqrengz hwngfat aen hangh- moeg dajciengx hwngfat “Saenaz+haeuxnaz”, gaenxmaenx daiq vunzlai laisou baenz miz.

  Ciuq cam rox, Genh’ai Yangh Dunggang Cunh dwg aen mbanj hojndoq, bi 2018 saedyienh vut gungz duet mauh, vih gyamaenh gij cwngzgoj vut gungz、daiq vunzlai byaij hwnj baenz miz haeuj siujgangh, bineix doxdaeuj, Dunggang Cunh caenh’itbouh maeuzveh hwngfat cunh gaep canjnieb. Ndaej daengz suhgi daih’it、doih guhhong youq mbanj cujciz sonyinx, cunh dangjcihbu cujciz dangjyenz caeuq vunzlai ok rog bae damqcaz, caemhcaiq ginggvaq hai hoih doxyaeng le, gietdingh yungh gij vunqsik “cwngfuj bued cienz、vunzlai ok rengz ok goeng caeuq diegnamh haeujguj” caeuq souik le ei cunh cizdij caeuq nungzhoh 2∶8 faen leih youq aen cunh neix hwnjguh aen hanghmoeg guhyiengh dajciengx “saenaz+haeuxnaz”.

  Dieggoek guhyiengh dajciengx“saenaz+haeuxnaz” youq gwnz giek ndaem miz haeuxnaz ciuq dajciengx iugouz dajndongj haenznaz, seizneix dieggoek guhsat geiz nduj bued cienz 15 fanh maenz, cingjhab diegnaz 49 ranz vunzmbanj hwnjguh baenz 100 moux dieggoek dajciengx saenaz, gaenq cuengq faensae 1.2 fanh gaen, caemhcaiq caeuq canghseng’eiq ciemdingh habdoengz cawxgai saenaz, gujsuenq bi 2019 aen hanghmoeg neix saenaz gai ndaej 100 fanh maenz, yaek ndeindei gyalai cunh cizdij souhaeuj caeuq hawj vunzlai laisou.

  (Liu Gvanghfuz Veiz Yuzdai)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部