当前位置: Sawcuengh > saehmoq

Aen Cungsim Hoizguh Denyingj Vah Minzcuz Vunznoix Gvangjsih Denyingj Cizdonz Ndaej Aen Cwngheuh Daengx Guek Minzcuz Doxgiet Cinbu Mozfan Cizdij

2019年10月22日    来源:广西民族报网    字号:[    ]     浏览次数:

  Mboengqneix, aenhoih byaujcangh daengx guek minzcuz doxgiet cinbu youq Baekging hai. Aenhoih byauj- cangh le mozfan cizdij caeuq mozfan bouxvunz vih guek raeuz minzcuz doxgiet cinbu saehnieb guh’ok gungyen hungloet haenx. Ndawde, Aen Cungsim Hoizguh Denyingj Vah Minzcuz Vunznoix Gvangjsih Denyingj Cizdonz ndaej aen cwngheuh “daengx guek minzcuz doxgiet cinbu mozfan cizdij”, hix dwg daengx guek aen cungsim hoizguh denyingj vah minzcuz vunznoix dandog ndaej aen cwngheuh neix.

  Hong hoizguh denyingj vah minzcuz vunznoix Gvangjsih 20 sigij 50 nienzdaih hainduj guh, ginggvaq le ca mbouj geijlai 70 bi. Daj hoizfuk hong doihengz yungh Sawcuengh doxdaeuj, nyuenz Swcigih Minzyijveij cungj aeu cuengqingj hoizguh denyingj vah minzcuz dangguh loh hong youqgaenj ndeu daeuj guh. Bi 1985 doxdaeuj, nyuenz Swcigih Minzveij binaengz cungj aeu daengx gih ngaenzcienz hoizguh denyingj vah minzcuz vunznoix gyahaeuj bumwnz yawhsuenq, caeuq Gvangjsih Denyingj Cizdonz Youjhan Gunghswh ciemdingh mbaw hezyi hoizguh caeuq cuengqingj, bued cienz cienhangh haeujcoengh, sonyinx hong fanhoiz vah minzcuz daengj. Daj bi 2009 doxdaeuj, gungh miz 500 lai bouh denyingj gak loih daezcaiz hoizguh baenz banj vah minzcuz vunznoix, cuengqingj daj hainduj binaengz geij cien ciengzbaez daengz seizneix 2 fanh lai ciengzbaez, bouxyawj minzcuz vunznoix daengz 300 lai fanh vunzbaez.

  Ciuq cam rox, Aen Cungsim Hoizguh Denyingj Vah Minzcuz Vunznoix Gvangjsih Denyingj Cizdonz Youjhan Gunghswh cujyau rapdawz hong hoizguh、cuengqingj denyingj Vahcuengh、Vahmyauz、Vahdung 3 loh vah 8 loh vahdeihfueng Gvangjsih caeuq Vahmauznanz、Vahyauz、Vahging、Vahgwzlauj、Vahmulauj daengj mbangj di vah baujhoh.

  (Cangh Haijyingh Lij Lizyungj)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部