当前位置: Sawcuengh > saehmoq

Lungzswng Banh Aen Ban Son’gyauq Dinfwngz Dajsiuq Buhvaq Hungzyauz

2019年11月13日    来源:广西民族报网    字号:[    ]     浏览次数:

Bouxswnjcienz son bouxhag baenzlawz siuq.

  Ndwen 11 ngoenz 6, aen ban son’gyauq dinfwngz dajsiuq buhvaq Hungzyauz Lungzswng Gak Cuz Swciyen youq aen dieggoek swnjcienz dinfwngz guh buhvaq Yauzcuz(Hungzyauz) aen yienh neix haiban, cingj bouxswnjcienz daibyaujsing guekgya gaep、swcigih gaep feihvuzciz vwnzva yizcanj mingzloeg hanghmoeg (buhvaq Hungzyauz) daeuj son’gyauq dinfwngz labnyumx、dajsiuq daengj, 50 lai boux mehmbwk Hungzyauz Lungzciz Cin、Swsuij Yangh、Gyanghdij Yangh aen yienh neix daeuj hag.

  Geij bi neix daeuj, aen yienh neix vwnzva bumwnz doenggvaq vatcimh caeuq gungganq bouxswnjcienz daibyaujsing buhvaq minzcuz vunznoix、guh son’gyauq hag labnyumx caeuq dajsiuq、laebbaenz aen bozvuzgvanj Hungzyauz daengj banhfap, gyalai baujhoh caeuq swnjcienz gij vwnzva buhvaq minzcuz. Bi 2014, buhvaq Yauzcuz (buhvaq Hungzyauz) Lungzswng ndaej senjhaeuj guekgya gaep feihvuzciz vwnzva yizcanj daibyaujsing hanghmoeg mingzloeg gya’gvangq hanghmoeg mingzloeg. Ndaej daengz Lungzswng lijyouzyez daiqdoengh, beixnuengx Yauzcuz giethab minzcuz conzdungj bonjfaenh, daenj doenghgij buhvaq neix ciengq fwen Yauzcuz, langhbaij hawj bouxhek gak dieg daeuj guhcaemz haenx yawj.

  (Vuz Cencen/吴倩茜)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部