当前位置: Sawcuengh > saehmoq

Lozcwngz:Swnjcienz “Feihyiz” Coi Vut Gungz

2019年11月13日    来源:广西民族报网    字号:[    ]     浏览次数:

Bouxswnjcienz(cungqgyang) son gyoengq mehmbwk guh nyumx baengzdoj.

  Ndwen 11 ngoenz 5, youq Lozcwngz Mulaujcuz Swciyen dieg anceiq senj dieg banggungz “Gyaranz Mulauj”, mehmbwk dangdieg cingq hag dinfwngz “feihyiz” Mulaujcuz. Mboengqneix, Lozcwngz Mulaujcuz Swciyen youq dieg anceiq senj dieg banggungz “Gyaranz Mulauj” banh aen ban dinfwngz dajsiuq Mulaujcuz、guh nyumx baengzdoj、cabnyumx、labnyumx, cingj bouxswnjcienz dajsiuq、guh nyumx baengzdoj daeuj son dinfwngz “feihyiz”hawj mehmbwk dieg anceiq, daezsang gij naengzlig couhnieb mehmbwk senj dieg banggungz, saedyienh “senj vunz hix senj minzcuz vwnzva”, louz “gij rag vwnzva”.

  Lozcwngz dwg aen swciyen Mulaujcuz daengx guek dandog. Seizneix, aen yienh neix miz 1015 hangh feihvuzciz vwnzva yizcanj hanghmoeg, ndawde, dinfwgz dajsiuq Mulaujcuz、dinfwngz guh nyumx baengzdoj Mulaujcuz daengj gaenq ndaej liedhaeuj swcigih gaep feihvuzciz vwnzva yizcanj daibyaujsing hanghmoeg mingzloeg.(Mungz Cwnghswh/蒙增师)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部