当前位置: 首页 > 民族文学

壮语宣传|吹响壮族聚居区防疫最强音

2020年02月09日    来源:    字号:[    ]     浏览次数:

  为了让壮族群众听得懂新型冠状病毒防控的相关政策和防护知识,广西各地纷纷采用壮语宣传新型冠状病毒感染的肺炎疫情防控工作,用接地气的表达呼吁居民们做好防疫,戴好口罩,减少串门,从县城到乡村,壮族聚居区的壮语宣传吹响了防疫最强音。

  致各位亲朋好友的一封信(壮)

  Fung Saenq Ndeu Hawj Gak Boux Beixnuengx Baengzyoux

  Gak boux beixnuengx baengzyoux:

  Caezgya gvaqcieng ndei!

  Gaenhgeiz Vujhan Si daengj lai aen digih fatseng sinhhingz gvanhcang binghdoeg gamjyiemj feiyenz yicingz, dangqnaj yicingz hingzsi gig youqgaenj, vihliux baujcingq mwngz caeuq ndaw ranz vunz mwngz gengangh,raeuz cangyiz:

  1.Cezyiz(ngoenzciet) seizgan cingj mwngz caenhliengh mbouj bae byaij caencik ra baengzyoux, mbouj daengz goenggungh vwnzva yizloz cangzsoj, mbouj cujciz hozdung, mbouj camgya civei, mbouj caeuq vunz doxcomz gwn haeux, cangyiz doenggvaq denva duenjsinq veihsin daengj fuengsik guh cezyiz vaenhaeuq(cam ndei), ceiqdaih cingzdoh gyangqdaemq yinzyenz doxcomz le gyauca gamjyiemj dih fungyiemj, caenh naeuz miz dwzcuh yenzyinh ij daengz goenggungh cangzsoj bae, cingj mwngz daiq ndei goujcau, guh ndei goyinz fangzhoh cosih.

  2.Caenh naeuz mwngz daj Vujhan caeuq seiqhenz digih ma daengz Vujmingz, cingj cujdung naeuz nyi cunh segih guh bwh anq, lij gag youq ranz gekliz song aen singhgiz, cujdung boiqhab cin cunh ganbu caeuq canghyw he yihyoz guenhcaz.

  3.Caenh naeuz mwngz lij miz gizdah itheij daj Vujhan roxnaeuz seiqhenz digih ma daengz Vujmingz he caencik baengzyoux, cingj mwngz coi gyoengqde caenhliengh mbouj bae byaij caencik ra baengzyoux, cujdung boiqhab dangdieg dangjveij cwngfuj guh ndei yizcingz fuengzgung caeuq fuengzhoh bonjfaenh.

  4.Caenh naeuz mwngz ngaiz fazcauh(nohndat) roxnaeuz ae daengj cwngcang ij gibseiz naeuz cunh segih ganbu caeuq canghyw nyi, daiq goujcau gizciz daengz goenglaeb yihyen fatndat mwnzcinj genjcaz yawjbingh ywbingh.

  5.Sigdangq hai cueng baujciz mwnq youq de doeng rumz, baujciz ndei simdaiq haeujsim yietnaiq, haeujsim yingzyangj gya giengz dijciz, ij gaenx swiqfwngz, yungh gij raemx riuzdoeng he swiqfwngz, lij yungh yanghcau roxnaeuz sijsoujyez nu cibhaj miuj yienghneix, ae haetcwi ne yungh genbuh roxnaeuz aeu ceij goemq bak goemq ndaeng, mbouj luenh biq myaiz.

  6.Mwngz yungh sat goujcau le gaej yungh luenh vut, cingj cuengq haeuj aen lahgizdungj fungmaed he bae, gaej yungh dep doengh aen goujcau heijvunz yungh gvaq de.

  7.Yejswngh dung’vuz cungj mbouj cinj gaj mbouj cinj gai mbouj cinj gwn, mbouj cinj youq nungzmou sicangz gaj doenghduz.

  8.Cingj boiqhab singzgih dangjveij cwngfuj caeuq cunh segih ganbu gak hangh fuenggung gunghcoz, mbouj doeng gangj mbouj doeng cienz mbouj doeng saenq, mbat yicingz neix cingq roeb daengz gij gaujyen doenghbaez mbouj caengz miz gvaq he, hoeng raeuz ij saenq baenzbaenz cungj yaek ndaej gvaq bae, youq singzgih dangjveij cwngfuj giengz vued lingjdauj baihlaj, youq cienz sevei doengzcaez roengzrengz baihlaj, raeuz itheij yiemzfuengz yiemzgung, ginzfuengz ginzgung, lienzfuengz lienzgung, itdingh ndaej dajhingz ciengz yicingz fuengzgung cujgizcaen neix.

  Youq mwnqneix cukhoh cenz singzgih gak boux beixnuengx baengzyoux bimoq vuenheij ndangdeij gyengangj daengxranz vuenyungz saehsaeh swnhsim!

  各位亲朋好友:

  大家过年好!

  近期武汉市等多个地区发生新型冠状肺炎感染疫情,当前疫情形势非常严重,为了保证你和家人的健康,我们倡议:

  一、节日期间请你不走亲戚访友,不到公共娱乐场所,不组织活动,不参加聚会,不聚餐,倡议通过电话、短信、微信等方式做节日问候,最大程度降低人员相聚造成交叉感染的风险,如有特殊原因要到公众场合去,请你戴好口罩,做好个人防护措施。

  二、如你从武汉和周边地区回到武鸣,请主动告诉村、社区做好备案,还要自觉在家自我隔离两个星期,请主动配合镇、村干部和医生做好医学观察

  三、如你有一起从武汉和周边地区回到武鸣的亲朋好友,请你叫他们不要走亲访友,主动配合当地党委、政府做好疫情防控和自我防护。

  四、如你有发热、咳嗽等症状要及时告知村、社区干部和医生。戴口罩并及时到公立医院发热门诊看病治病。

  五、适当开窗保持住地通风,保持好心态,注意休息,注意营养,加强体质,要勤洗手,还要用香皂或洗手液搓十五秒,咳嗽、打喷嚏时用衣袖或卫生纸遮住嘴吧和鼻子,不乱吐痰。

  六、你用过的口罩别乱扔,请放进密封的垃圾桶,别碰那些别人用过的口罩。

  七、不准杀、吃、买卖野生动物,不准在农贸市场宰杀野生动物。

  八、 请配合城区党委、政府和村、社区干部的各项防控工作,不乱说、不传谣、不信谣,这次疫情是前所未有的考验,但我们坚信一定能过去,在城区党委、政府强有力的领导下,在全社会的共同努力下,我们一起严防严控,群防群控,联防联控,一定打赢这场疫情防控的阻击战。

  在此祝贺全城区各位父老乡亲新年快乐!身体健康!阖家幸福!事事顺心!

  ==================================================================

  村级防疫宣传(壮)

  Duh’anh:Aeu Vahcuengh Naeuzhawj Vunzmbanj Fuengzre Sinhhingz Gonhcang Bingduz Ganjyenj Feiyenz

  都安:村级新型冠状病毒感染肺炎防疫壮语宣传

  Ndaw cunh gwnz mbanj dih vunzlai, daihgya gvaq ciet ndei! Lajneix bohbau sinhhingz gonhcang bingduz ganjyenj dih feiyenz fangzgung sihyau cuyi dih geij aen fuengmienh.

  Daih’it diemj、 Cinlieng mbouj okdou, mbouj canhgyah gak yiengh dih doxcomz gwnngaiz, mbouj bae laeng caencik beixnuengx louz, mbouj bae vunz lai dih deihfueng gizde doxcomz.

  Daihngeih diemj、 Cansiz daengx sojmiz dih banhhek, bauhgvaz couxbawx haqlwg、hai ranzcai, yizgoj bouxlawz ndi dingqgangj luenh hengz, hawj bingduz cuenz okbae dih, siengh ancau fazliz cuihgiu de dih cwzyin.

  Daihsam diemj、 Guhndei cinghgez veiswngh. Miz diuzgen dih cinlieng dap goujcau, ginghcangz yungh feizcau dem raemxheu daeuj swiq fwngz, gaenx caemhndang rweg buh, guhndei ndaw ranz dih veiswngh, ngab hozcej haetcui dih seizhouh, yaek yungh ceij dem gaen daeuj goemq ndaeng goemq bak.

  Daihseiq diemj、 Mbouj gai mbouj cawx mbouj gwn duz ndaw ndoeng.

  Daihhaj diemj, yizgoj miz fatndat hozcej ndi miz rengz、ngab ro dih, yaek liemzseiz bae cijding dih yihyen gizde guhndei genjcaz. Daihroek diemj, coengz Huzbwz Swngj dwzbez seih coengz Vujhan Si dauq ranz gvaqcieng dih vunz, yaek cijdung guhndei youq ranz gwzliz cibseiq ngoenz, mbouj ndaej dem vunz baihrog doxgyaux doxnem.

  Guh daengz gwnz neix roek diemj, guhndei mwngz swhgeij dih fangzhu, couh seih mwngz doiq fangzyi hong dih ceiq mbwk dih gungyen.

  全体村民,大家过年好!下面播报新型冠状病毒感染的肺炎防护注意事项。

  一、尽量不要外出,不参加各种聚会聚餐活动,不走亲访友,不去人群密集的场所。

  二、暂停一切民间自办宴席、红白喜事等活动。擅自举办造成病毒传播的,依法追究当事人责任。

  三、注意清洁卫生,有条件的尽量佩戴口罩,经常用肥皂和流动清水洗手,勤洗澡,勤换衣服,做好家居用品清洁保洁,咳嗽、打喷嚏时,用纸巾或手遮挡口鼻。

  四、不买卖或食用野生动物。

  五、如有发烧、乏力、干咳等症状,第一时间到辖区指定医院发热门诊就诊。

  六、从湖北省特别是武汉市返乡的群众请主动做到居家隔离14天,不与外人接触。

  做好个人防护,就是你对防疫工作的最大贡献。

  壮话顺口溜:控防疫情要记清

  ===================================================

东兰县壮语方言顺口溜:

Gungfangz Yicingz Ngeix Guhseuq

防控疫情要记清

作者:Cinz Bohleiz Lanmoegbya(陈博雷 岚木岜)

Bi wnq ndwencieng bae diuqfoux,

Daengz bi duznou mbwn youh bienq,

Gvanhcang bingduz roengz daeuj ciemq,

Hawj raeuz gwn cieng goj mbouj van.

Sij(lwnh) hawj mbanjranz dax lwglan,

Ngoenzneix comz sou doengzga(caez) lw(dingq),

Mbouj cingq dawz vaiz doh dawz cwz,

Nyi vaij haeuj rwz bae cix suenq;

Vihliux lajndang raeuz gengangh,

Youh vih daengxbiengz gij liyiz,

Ndangdaej gengangh guh diyiz(daih’it).

Raeuz mbouj rox nyi cix mbouj baenz,

Bingh neix cienzyenj bijyau haenq,

Doxbungz geij faencung goj ngaiz,

Haeuj ndang geij ngoenz bingh dahraix.

Hawj raeuz aeaiz ndaeng youh saek,

Ndang youh fatndat ae’gaekgaek,

Dungx get ndangnaek mugmyaiz conh.

Baenz neix ganjvaiq bae yihyen,

Mboujni gwj cienz gwj bae gyae.

Bingh neix mbouj cingq naeuz baenzae,

Mbouj yw dingqdaeuj bae mbouj dauq,

Bingh neix cienzyenj caen cix laux,

Cawx gaiq goujcau dangj bakndaeng.

Bae doengh bae reih dauqma daengz,

Raeuz aeu swiq fwngz guh seuqseuq;

Souh lw byaek lw daenz guh liux,

Gaej hawj nou meuz roengzdaeuj riz;

Gaiq noh yejvei ai naeuz ndei,

Gaej yungh cizdij bae ganhgoh.

Sij hawj vunzlai raeuz doxrox,

Noh fuengx noh raih mbouj baenz gwn;

Feihdenj mwhde baenz daezsingj,

Cienz seih gaiqgwn mbouj cuyi;

Vujhan cienzyenj daeuj gauneix,

Ceiq daih vwndiz gaiq duzfuengx;

Geij boux doengz gwn youq gyang cuengx,

Song sam ngoenz donh cix baenz bingh;

Laihnaeuz baenzae daj dik ciem,

Youh daj youh gwn bingh mbouj doiq.

Yihswngh husw mingh law boih,

Doengzcaez bae boih geij lwg neix;

Vwndiz yenzcung baenz yienghneix,

Ganjvaiq sij daengz dangjcunghyangh;

Siz cungjsuhgi majsang gangj:

Itdingh gungfangz guh ndeindei,

Baujhu bouxminz gij ndangdaej,

Mbouj hawj bingh neix cienz doh giz!

Bouxminz ndangdaej co diyiz,

Cienz guek cizgiz doengz yangjying;

Yicingz couh seih roengz minghlingh,

Cienzguek bouxminz doengz yifangz;

Vunzlai doengzcaez hwnj cancangz,

Doengzcaez yifangz guh ndeindei,

Itdingh gungfangz dingh bingh neix.

Raeuz mbouj lauheiq yiengh gaiqmaz,

Boux gai doenghyiengh mbouj dizgya,

Boux roengz haw laj mbouj cauyauz.

Ok rog geiq daengz dawz goujcau,

Baedauq geiq daengz gaenx swiq fwngz;

Cienz guek bouxminz doengzcaez ning,

Itdingh dwk hingz yiengh bingh neix.

Cwngfuj gvanhsinh raeuz yienghnix,

Bizsih doengz riengz dangjcunghyangh;

Bouxboux ndangdaej doengz gengangh,

Baihnaj angqyangz bae roen gyae;

Cienz guek bouxminz sim doengz hai,

Ngoenzngoenz doengzmaez bae baihnaj!

往时歌舞迎新年,

庚子年到天突变,

新冠病毒来侵占,

百姓过年心不欢。

讲给乡村众儿孙,

今天召集大家听,

不是集体看牛帮,

听了入心才能算;

为了自身保健康,

还为全社会利益,

身体健康排第一。

大家不听真不成,

这病传染比较狠,

相遇几分钟就挨,

染上身了病就来。

挨了咳嗽鼻子塞,

身体发烧咳得快,

浑身无力鼻涕来。

如此赶快去医院,

不然越传就越远。

这病不单是咳嗽,

不医生命难回头,

现在传染正时候,

买个口罩挡鼻口。

种田种地回门庭,

大家洗手要干净;

剩菜剩饭要盖好,

预防老鼠和馋猫;

山中野味别讲好,

更别干锅一起搞。

讲给大家个个懂,

白面山猪不要碰;

非典那时人人懂,

全是吃的惹来祸;

这次武汉病传播,

最大问题是山货;

好友同桌一起喝,

相互传播来惹祸;

以为咳嗽打点滴,

打针吃药治不愈。

医生护士最辛苦,

逆行来把生命护;

疫情越来越张狂,

赶快上报党中央;

习总书记马上讲:

一定做好严控防,

保护百姓的健康,

不让病害再张狂!

百姓健康排第一,

全国相应都积极;

疫情就是开战令,

全国预防为百姓;

大家同心上战场,

齐心严格搞预防,

定能搞好这控防。

不用担心不用怕,

商家经营不提价,

造谣生非定挨罚。

出门记得戴口罩,

回家洗手用香皂;

上下响应党号召,

疫情定能治得了。

政府全力保健康,

必须紧跟党中央;

个个身体都健康,

意气风发向前方;

全国百姓心花放,

百年梦圆花更香!

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部