当前位置: Sawcuengh > saehmoq

Lungzanh Yen Saedhengz Vah Minzcuz “Sam Haeuj” Hozdung Bangdoi Hag Caeuq Doigvangq Vahcuengh

2020年03月06日    来源:广西民族报    字号:[    ]     浏览次数:

  Geij bi neix daeuj, Lungzanh Yen gaenxmaenx haiguh hag caeuq doigvangq Vahcuengh, doenggvaq haiguh Vahcuengh haeuj hagdangz、Vahcuengh haeuj gvangjbo densi、Vahcuengh haeuj goenggungh hozdung caeuq goenggungh fugsaeh gihgou, hawj hag caeuq doigvangq yungh Vahcuengh aeundaej cingzyauq haemq ndei.

  Vahcuengh haeuj hagdangz, hag caeuq doigvangq Vahcuengh daj lwgnyez guh hwnj. Youq Lungzanh Yen Minzcuz Cunghyoz、Nazdungz Cin Nazmwnz Siujyoz daengj 6 aen hag- dangz haiguh sawq son’gyauq Cuengh Gun song saw vah, seizneix 6 aen hagdangz gungh miz 3048 boux hagseng ndaej hag Cuengh Gun song saw vah. Lai bi daeuj, Lungzanh Yen miz maeuzveh bae gungganq lauxsae Vahcuengh, bwh ndei vunzcaiz Vahcuengh, haenqrengz haiguh genjleh hagseng dinghyiengq bae hagdangz doeg ciennieb Vahcuengh, seizneix Lungzanh Yen boiqbwh lauxsae Vahcuengh 20 vunz, baujmaenh sonhag Vahcuengh swnhleih guh. Aen hagdangz Cuengh Gun song saw vah moix aen singhgiz cungj hwnj song dangz Vahcuengh biucinj, moix aen haggeiz cungj ciuq gij saedsaeh gak aen hagdangz haiguh aen ndeu daengz song aen gyauyenz hozdung, haiguh doxdax hwnjdangz Cuengh Gun song saw vah、yungh Cuengh Gun song vah doxdax gangj gojgaeq daengj.

  Vahcuengh haeuj gvangjbo yingjsi, Vahcuengh cienzboq gvangq gyae. Youq Lungzanh Densidaiz haicuengq aen lanzmoeg densi 《Saehmoq Vahcuengh Lungzanh》, aen lanzmoeg neix ndaej daengz vunzlai Lungzanh Yen haengjgyaez, cwgoemq vunzlai daengx yienh 85% doxhwnj, yingjyangj gyae. Daengx yienh 11 aen yanghcin 118 aen hingzcwngcunh cungj laeb miz camhgvangjbo, cang miz lajmbanj mizsienq gvangjbo, guhbaenz gij gvangjbo vangjloz mizsienq、mbouj mizsienq、diuzbinz dox giethab, gak aen camhgvangjbo cungj boiqbwh miz boux- boqyaem Vahcuengh, doenggvaq youq camhgvangjbo yungh Vahcuengh boq saehmoq Lungzanh、dienheiq yawhbauq daengj neiyungz, yungh Vahcuengh senhconz gvangjbo yingjyangj gvangq. Gyagiengz hoizguh caeuq boqcuengq denyingj Vahcuengh, bi 2018 doxdaeuj, Lungzanh Yen gungh yungh Vahcuengh hoizguh denyingj 20 bouh, gungh cuengqingj denyingj Vahcuengh 850 lai ciengz, bouxyawj daengz 13.6 fanh vunzbaez.

  Vahcuengh haeuj goenggungh hozdung caeuq dieg goenggungh fugsaeh, mboujdan gyalai gij rengz yingjyangj Vahcuengh, youh fugsaeh ndei vunzlai. Youq ciet fwen “sam nyied sam”、ciet hongdawz “ndwenseiq cobet”、 ciet lijyouz “vwnzva naz” daengj ngoenzciet conzdungj deihfueng, bouxbiujyienj yungh Vahcuengh yienjciengq yienj- heiq, caenh’itbouh gyalai gij rengz yingjyangj Vahcuengh. Doiq miz vunz dan rox gangj Vahcuengh, mbouj rox Vahbujdungh geijlai, Lungzanh Yen gyalai youq dieg goenggungh fugsaeh yungh Vahcuengh, ndaej engq ndei fugsaeh vunzlai.(Suh Meizcouh)

编辑:蒙树起

扫描二维码
关注本报官方微信

本报投稿邮箱:

gxmzbzb@163.com

gxmzb2@163.com

回到顶部