当前位置: Sawcuengh > saehmoq

Hozciz Si Bineix Buenq Bi Gonq Guhbaenz Hong Minzcuz Cunghgyau Lwenqda Lai

2020年07月17日    来源:广西民族报    字号:[    ]     浏览次数:

  Bineix buenq bi gonq, Hozciz Si guhbaenz hong minzcuz cunghgyau lwenqda lai. Daihdingzlai raen youq sam yiengh hong lajneix.

  Haenqrengz youq dieg siujsoq minzcuz comzyouq gaijndei gij sezsih giekdaej, okrengz coengh yienh gungzhoj doinyoengx hong duetgungz ndaej hingzdingh. Bineix daengx si ceng’aeu ndaej 11769 fanh cienzngaenz hwngfat siujsoq minzcuz, beij bi’gvaq caemhseiz gyalai 5.4%, neix ndaej gya rengz hwnqguh gij sezsih giekdaej ndaw yienh gungzhoj.

  Haeujlaeg mbeguh gij hozdung cauhguh minzcuz doxgiet baenaj, hawj minzcuz lai doxgiet aenbiengz lai huzndei. Gaenxmaenx mbeguh gij hoz- dung ndwen senhconz minzcuz doxgiet. Guhsat hong doiok gij danhvei yienghndei daihbet buek daengx guek minzcuz doxgiet baenaj. An mingzcoh hawj 27 aen danhvei yienghndei cauh- guh minzcuz doxgiet baenaj. Doiok 12 aen mbanj siujsoq minzcuz dangguh giz sawqguh saenqhwng mbanj minzcuz. Gyalai gij dieggoek son’gyauq minzcuz doxgiet baenaj. Guhsat hong bauq 4 yiengh ndangdaenj camgya gih raeuz doxdax cauhguh ndangdaenj minzcuz.

  Youq mwh fuengzgaemh binghraq, netsaed guhndei hong cunghgyau, gaenxmaenx vixyinx gyoengqvunz cunghgyau caeuq aendangj cwngfuj caezhoz, haenqrengz dingjhoenx bingh- raq. Ciuq vunz gyoepsuenq, gyoengq vunz cunghgyau gag ok cienz 32.84 fanh maenz、ok doenghyiengh ywbingh dij 7.22 fanh maenz.(Veiz Dunghcwngz)

编辑:韦亦玮

公众号

抖音号

本报投稿邮箱:

gxmzbzb@163.com

gxmzb2@163.com

回到顶部