当前位置: Sawcuengh > saehmoq

Lozcwngz:“Doxgap Bangfuz” Baenzsaeh Lailai

2020年09月17日    来源:广西民族报    字号:[    ]     浏览次数:

  “Bangfuz aen yienh ndeu, hawj aen minzcuz ndeu duetgungz”. Daj 2016 nienz bangfuz Lozcwngz Mulaujcuz Swciyen doxdaeuj, Sinhcin Si Fuzdenz Gih caeuq Guekgya Yenhcaujgiz ok rengz liuxcaez coengh Lozcwngz guh hongsaeh gunggeng duetgungz, coengh okciengz、coengh guh canjnieb, youh soengq doxgaiq、dajcawx doxgaiq, caiq doxgap yungh vunzhong、hawj vunz lai ndaej hong guh, gij banhfap bangfuz lai cungj lai yiengh, doxgap bangfuz baenzsaeh lailai.

  Ndawde, Guekgya Yenhcaujgiz ok 2.64 ik maenz guh hanghmoeg, coengh aen yienh neix hwnqguh 21 aen hanghmoeg linzyez, hawj 3.66 fanh vunz ranzgungzhoj ndaej ikleih, swnghdai linzyez okrengz lailai, ciemq gij rengz dawzcinj duetgungz 44.6%; Sinhcin Si Fuzdenz Gih ok 2.07 ik maenz guh cienz bangfuz, hwnqguh 127 aen hanghmoeg gyauyuz vei- swngh、roenloh lajmbanj、ancienz gwnraemx、gaijguh ranzyiemj daengj, laeb 83 aen“ranzcangj banggungz”, gyonj suenq hawj 3.45 fanh vunz duetgungz, ciemq gij rengz dawzcinj duetgungz 42.1%.

  (Veiz Yuzdai Vuz Meijginz/韦如代 吴美群)

编辑:韦亦玮

公众号

抖音号

本报投稿邮箱:

gxmzbzb@163.com

gxmzb2@163.com

回到顶部