当前位置: Sawcuengh > saehmoq

Liujcouh Si Youq Sanhgyangh Guh “Song Vah Doxhoiz” Hozdung

2020年09月17日    来源:广西民族报    字号:[    ]     浏览次数:

  9 nyied 10 hauh, Liujcouh Si youq Sanhgyangh Dungcuz Swciyen Linzhih Cin Mbanjgvansiuj guh aen hozdung gangj cwngcwz gojgaeq hawj vunzlai dingq——aeu“laemxsim nyinhdoengz Cunghvaz Minzcuz doxcaemhcaez、‘song vah doxhoiz’okrengz coengh gunggeng duetgungz” guh cawjdaez. Liujcouh Siveij Senhconzbu、Minzcunghveij, Sanhgyangh bouxdawzrap danhveih doxgven, Linzhih Cin mbangj ganbu ginzcung、bouxguhhong gunggeng duetgungz(saenqhwng lajmbanj)camgya baez hozdung neix.

  Aen hozdung neix haenqrengz guh hongsaeh hawj vunzlai“laemxsim nyinhdoengz Cunghvaz Minzcuz dox- caemhcaez”caeuq okrengz coengh dieg minzcuz gunggeng duetgungz, youz doenghboux ndaw siveij gyangj- swhdonz aeu Vahbujdungh gangj caeuq doenghboux ndaw senhgyangjdonz caengzdaej aeu vah dangdieg gangj roxnaeuz guh gijwnq, lwnh cwngcwz gangj gij saeh(gojgaeq) gvendaengz minzcuz doxgiet caeuq gunggeng duetgungz. Doenghboux ndaw senh- gyangjdonz caengzdaej aeu Vahdung gangj gojgaeq、gangj Gvanj、ndaek ciengq bizbaz daengj, aeu doenghgij banhfap vunzlai gyaezmaij neix youh lwnh youh gangj. Youq yienhciengz lij dangciengz sonhag, bouxcujciz aeu Vahdung caeuq Vahbujdungh dang- ciengz caeuq vunzlai doxson doxhag, vanzlij miz dap han vwndiz, neix ganbu ginzcung gaenxmaenx caez guh hozdung、gaenxmaenx han vwndiz, song baih vunz doxson doxhag、gou gangj mwngz riengz、mwngz son gou hag.

  (Cinz Cin’gyangh Veiz Cungz- lij/覃振江 韦崇礼)

编辑:韦亦玮

公众号

抖音号

本报投稿邮箱:

gxmzbzb@163.com

gxmzb2@163.com

回到顶部