当前位置: Sawcuengh > saehmoq

10 Nyied 31 Hauh Guh Vahcuengh Sawcuengh Suijbingz Gaujsi

2020年09月25日    来源:广西民族报    字号:[    ]     浏览次数:

  Bonjbauq siusik(gicej Veiz Yiveij)9 nyied 14 hauh, Swcigih Minzcunghveij ok gunghgau, dingh youq 10 nyied 31 hauh youq Cunghgung Nanzningz Siveij Dangjyau guh Vahcuengh Sawcuengh Suijbingz Gaujsi bi 2020.

  Mboujguenj saimbwk、gijmaz minzcuz、geijlai nienzgeij、gijmaz yozliz、guh maz hong、vunz dieg lawz、vunz guek lawz daengj, byawz cungj ndaej bauq gauj Vahcuengh Sawcuengh Suijbingz Gaujsi; bouxbauqgauj gag naemj gag dingh, bauqgauj gaep lawz cungj ndaej.

  Gauj gijmaz, gijdaeuz de dwg sawq ok gij bonjsaeh bouxgaujsi yungh Vahcuengh Sawcuengh, baudaengz gij cihsiz giekdaej Vahcuengh Sawcuengh、gyoeb sawloih baenz coenz、doeg duenh saw rox eiqsei、Cuengh Gun doxhoiz caeuq raiz faenzcieng daengj. Yiengh gaujsi neix faen cogaep、cunggaep caeuq gaugaep 3 gaep, gak gaep cungj aeu bit raiz gaujsi. Yiengh gaujsi neix caemh dagangh(daihgaiq gangj gauj gijmaz、baenzlawz gauj)、 caemh okdaez、caemh dingh geijlai faen gizgwz、 caemh guenj siusik caeuq caemh mbawcingq daengjgaep. Gwnz mbaw gienj ndeu faensoq rim couhdwg 100 faen, gauj ndaej 60 faen couh suenq gizgwz.

  Baez gaujsi neix cienzbouh youq gwnz vangj bauqmingz. Bouxbauqgauj ndaej youq 9 nyied 28 hauh daengz 10 nyied 16 hauh hwnj Gvangjsih Bouxcuengh Swcigih Minzcuz Cunghgyau Swvu Veijyenzvei Vangjcan(http://mzw.gxzf.gov.cn/)bae, diemj giz “gwnz vangj bauqmingz gauj Vahcuengh Sawcuengh Suijbingz Gaujsi”haeuj ndaw bae bauqmingz.

编辑:韦亦玮

公众号

抖音号

本报投稿邮箱:

gxmzbzb@163.com

gxmzb2@163.com

回到顶部